სტადიონი: "ალიანს არენა", მიუნხენი ტურნირი: ჩემპიონთა ლიგის 1/4 ფინალი, მეორე მატჩი მსაჯი: იონას ერიქსონი თარიღი: ოთხშაბათი, 9 აპრილი 2014 წელი. მატჩის დასაწყისი: 22:45, (ჩვენი დროით) ტრანსლაცია:
"ბაიერნი"
ტრავმირებულები: ალკანტარა, კონტენტო, შტარკე, ჩაქირი დისკვალიფიკაცია: მარტინესი, შვაინსტაიგერი კითხვისნიშნისქვეშ: არავინ
"ბაიერნი" ბევრი პრობლემით ხვდება მატჩს, გუარდიოლას არ ეყოლება არც შვაინსტაიგერი, რომელმაც წითელი ბარათი მიიღო გასულ მატჩში, არც მარტინესი, დისკვალიფიკაციის გამო, ასევე ტრავმის გამო არ იქნებიან ალკანტარა, კონტენტო, შტარკე და ჩაქირი. გუნდი აშკარად დიდ დანაკლისს განიცდის.
"მანჩესტერ იუნაიტედი"
ტრავმირებულები: ვან პერსი დისკვალიფიკაცია: არავინ. კითხვისნიშნისქვეშ: იანგი, რუნი.
"იუნაიტედს" მცირე პრობლემები ჰქონდა გასულ მატჩში ლიგაზე, არ ჰყავდა ევრა, რომელიც დღეს ძირითადშია. კლუბს რა თქმა უნდა დააკლდება რობინ ვან პერსი, რომელსაც კვლავ ტრამვა აქვს. ასევე გუნდ დააკლდება, რაფაელი, ევანსი და ფელაინი, ისინიც მანჩესტერში დარჩნენ და მიუნხენში არ გაჰყოლიან გუნდს.
მიუხედავად ბოლო 2 ცუდად ჩატარებული მატჩისა ბუნდესლიგაზე, "ბაინერი" საერთო ჯამში საუკეთესო გუნდის შთაბეჭდილებას ტოვებს ევროპაში. გასული სეზონის ლიგის გამარჯვებული გუნდი დღეს სახლში მიიღებს "იუნაიტედს" და მიუხედავად დანაკლისებისა, ყველა ვარაუდობს, რომ მიუნხენური კლუბის გამარჯვებას მოიპოვებს დღეს. ბოლო მატჩი გერმანულმა კლუბმა ბუნდესლიგაში გასვლაზე დათმო "აუგსბურგთან", ანგარიშით 1-0, ცნობისთვის ეს პირველი მარცხი იყო ამ კლუბისთვის სეზონში გერმანიის მასშტაბით, ხოლო მის წინ გუნდმა საკუთარ კედლებში უმასპინძლა "ჰოფენჰაიმს", შეხვედრა კი 3-3 დასრულდა.
მიუხედავად იმისა, რომ დევიდ მოიესმა პრემიერ ლიგის ბოლო მატჩები აბსოლიტურად კარგად ჩაატარა, გერმანიაში მისი წარმატების შანსი ძალიან ცოტაა. კლუბმა პრემიერ ლიგის ბოლო 2 მატჩში 8 გოლი გაიტანა, გაუშვა მხოლოდ 1. შეგახსენებთ, რომ "იუნაიტედმა" 29 მარტს სძლია "ასტონ ვილას" ანგარიშით 4-1, ოლდ ტრაფორდზე, ხოლო 5 აპრილს კლუბმა გასვლაზე მოიგო ანგარიშით 4-0, მისი მეტოქე კი "ნიუკასლი" იყო.
გუნდების დაპირისპირებები
მატჩის წინა განცხადებები
დევიდ მოიესი:""მატჩის დაწყებას მოუთმენლად ველი. აქ ნახევარფინალისტების ბედი წყდება. ეს არის ყველაზე მნიშნველოვანი მატჩი, ვფიქრობ გუნდის ყველა წევრი ასე ფიქრობს. უნდა ვთქვა, რომ ინგლისურმა კლუბებმა ამ სეზონში ბაიერნის წინააღმდეგ გარკვეულ წარმატებას მიაღწიეს. ჩვენ წინაშე ურთულესი ამოცანა დგას, უნდა დავამარცხოთ გერმანიის ჩემპიონი და ჩემპიონთა ლიგის გამარჯვებული, მაგრამ ჩემს განკარგულებაში პროფესიონალი ფეხბურთელები არიან, რომელთაც შეუძლიათ მატჩის ბედის მთლიანად შეცვლა."
დარენ ფლეთჩერი:"ჩვენ ბაიერნს ბოლოს 2010 წელს დავუპირისპირდით, მატჩის შემდეგ ჩვენ ძალიან იმედგაცრუებულნი დავრჩით. თამაში თავიდან ჩვენს სასარგებლოთ განვითარდა, მაგრამ ბოლოს შეცდომების შედეგად ლიგის მიღმა დავრჩით. იმედია ჩვენ დღეს მომდევნო ეტაპზე თამაშის უფლებას მოვიპოვებთ და ისევ იმედგაცრუებულნი არ დავრჩებით."
უეინ რუნი:"ჩვენ შესანიშნავი ფეხბურთელები გვყავს და გვჯერა, რომ მათი წყალობით ლიგაზე წარმატებებს მივაღწევთ. ამისათვის ბევრი უნდა ვიშრომოთ და კონცენტრირება მთლიანად ამ მატჩზე გადავიტანოთ. დღევანდელი შეხვედრა ჩვენთვის და ჩვენი გულშემატკივრებისთვის ძალიან მნიშვნელოვანია. ეს არის ერთ–ერთი ყველაზე დიდი მატჩი. რა თქმა უნდა მჯერა, რომ ჩვენ გადავლახავთ ბაიერნის წინაღობას და განვაგრძობთ ბრძოლას ჩემპიონთა ლიგის ტიტულის მოსაპოვებლად."
"ალიანს არენაზე" არანაკლები მხარდაჭერა ექნება "ბაიერნს", ვიდრე ოლდ ტრაფორდზე "იუნაიტედს"