"მანჩესტერ იუნაიტედის" ახალგაზრდა ვარსკვლავი, ჯეიმს უილსონი მოხვდა გუნდის 18 კაციან განაცხადში "ნიუკასლთან" მატჩში. მან თავისი ადგილი სათადარიგოთა სკამზე დაიკავა და მოედანზე არ გამოჩენილა. უეინ რუნისა და რობინ ვან პერსის ტრავმების შემდეგ უილსონს გუნდში პირველად გამოჩენის საშუალება მიეცა. ასევე გუნდთან ერთად არ იყო დენი უელბეკი, რომელიც მოიესმა ალბათ "ბაიერნთან" შეხვედრის წინ დასვენების საშუალება მისცა. მის ნაცვლად სწორედ 47 ნომრიანი ბიჭუნა აღმოჩნდა შემადგენლობაში.

18 წლის ფეხბურთელმა "იუნაიტედის" 21 წლამდელთა გუნდში დეკემბერში მოიკიდა ფეხი და "ვულვზს" ჰეთ-რიკიც გაუტანა, რითაც გულშემატკივრებს თავი შეაყვარა.










უილსონმა, რომელმაც 15 წლის ასაკში თავის სადებიუტო მატჩი აკადემიაში "ევერტონს" გაუტანა , 5-ჯერ შეუგდო ბურთი "ნიუკასლის" 18 წლამდელთა გუნდს წინა სეზონის მატჩში, რომელიც 7-1 დასრულდა. მან ასევე რეგულარული სათამაშო დრო მიიღო ინგლისის 19 წლამდელთა ნაკრებში და პირველი გოლი ისტლენდის გუნდს შეუგდო.

სტეფორდშირში დაბადებული ფეხბურთელი ცნობილია მისი სპეციფიური სათამაშო მანერით, რისი მეშვეობითაც შეუძლია მომენტალურად შეცვალოს სათამაშო ტემპი.









უილსონი ხშირად თამაშობს მარცხენა ფლანგზე, მაგრამ თავს ყველაზე კარგად მოედნის ცენტრში გრძნობს. მას ხანგრძლივი პერიოდი გაუცდა წინა სეზონში ტერფის ტრავმის გამო. მას შემდეგ რაც დაბრუნდა, 14 გოლის გატანა შეძლო 13 მატჩში. უილსონს შესანიშნავად შეუძლია დასწრებაზე თამაში და ითავსებს ცენტრალური ფორვარდის ფუნქციებსაც.