სამშაბათს გამართულ შეხვედრაში მოხდა ის ფაქტი, რასაც "იუნაიტედის" გულშემატკივრები მიმდიანრე სეზონში იშვიათად ხედავენ. "იუნაიტედმა" ძალიან ძლიერ, ალბათ ყველაზე ძლიერ მეტოქესთან სასურველ შედეგს მიაღწია. ყველაფერი კარგად იყო ამ ღამით, გარდა ერთისა.

ეს ერთი კი თავად მარუან ფელაინია, რომელიც რადიკალურად განსხვავდებოდა "იუნაიტედის" მთელი შემადგენლობისგან. მაშინ, როცა "იუნაიტედის" თითოეული ფეხბურთელი თავს არ ზოგავდა, ყველაფერს დებდა მოედანზე, მარუან ფელაინი სრულიად უსუსურად გამოიყურებოდა. მისი შეცდომების რიცხვს თუ მივყვებით ბევრი დაგროვდება, მაგრამ ერთ-ერთი განსაკუთრებით აღსანიშნავია, რომელიც სავალალო აღმოჩნდა "იუნაიტედისთვის". ანგარიშის გამათანაბრებელ გოლში სწორედ ისაა დამნაშავე, რადგან ბასტიან შვაინშტაიგერს ბოლომდე არ შეჰყვა საჯარიმოში. ასეთი კლუბის ასეთი ფეხბურთელი ასეთ შეცდომას არავის აპატიებს.

ყველაზე სახიფათო ფელაინის თამაშში მისი პასები იყო პირველი ტაიმის მიმდინარეობისას, ამის პარალელურად კი მისი ნიჭი, მეორე სართულზე ორთაბრძოლების მოგებისა სადღაც გაუჩინარდა.

მისი გულისამრევი თამაში CNN ყოფილმა წამყვანმა, პირს მორგანმა აღნიშნა საკუთარ ტვიტერზე:"ვერ ვიჯერებ რა საშინელი სანახავია ფელაინის თამაში. ვფიქრობ "ევერტონში" უკეთესი იყო. "იუნაიტედი" მისთვის ზედმეტად დიდი კლუბია."

ის ერთადერთი არ იყო ვინც ამაზე კომენტარი გააკეთა. დენი ვებერმაც განაცხადა რამდენიმე სიტყვა თავის ტვიტერზე:"შენ უბრალოდ არ შეგიძლია სქოულზი შეცვალო ფელაინი..."

ფელაინის გადაცემების მხოლოდ 75% აღწევდა ადრესატამდე, ორთაბრძოლების მხოლოდ 14% მოიგო ბელგიელმა. მან მხოლოდ ერთხელ დაარღვია თამაშის წესები და მხოლოდ ერთხელ წაართვა ბურთი.

ბელგიელი ცდილობდა საერთო სურათიდან არ ამოვარდნილიყო და მთელი 90 წუთი ირჯებოდა, მაგრამ კითხვას, რომელიც მდგომარეობს შემდეგში: შეესაბამება თუ არა იგი "იუნაიტედის" დონეს? ფელაინიმ ვერც "ბაიერნთან" შეხვედრისას უპასუხა. ან უპასუხა, მაგრამ უარყოფითად...

მე კი გეკითხებით თქვენ: "იყო თუ არა ფელაინი ყველაზე ცუდი ფეხბურთელი "ოლდ ტრაფორდზე" სამშაბათს ღამით?"