"მანჩესტერ იუნაიტედის" ინგლისელმა ფორვარდმა უეინ რუნიმ უარყო ყველა ჭორი, თითქოს მან სიმულაციის მიმართა და ამის საშუალებით გააძევებინა მოედნიდან ბასტიან შვეინშტაიგერი, რომელსაც ამის გამო განმეორებითი მატჩის გამოტოვება მოუწევს.
მეორე ყვითელი ბარათის მიღებისთანავე გერმანელი ფეხბურთელი ცდილობდა მსაჯისთვის ჟესტებით აეხსნა, რომ უეინ რუნი სიმულირებდა. მატჩის შემდეგ ინგლისელ ფორვარდს, ასევე სიმულაციაში ბრალი ხოსეპ გუარდიოლამაც დასდო, მაგრამ უეინ რუნი თავს დამნაშავედ არ გრძნობს.
"ეს ნამდვილად იყო წესების დარღვევა. მან იუხეშა ჩემს წინააღმდეგ. მე არ ვსიმულიანტობდი, ნამდვილად არ მინდოდა ბასტიანს მოედანი დაეტოვებინა. იგი პირდაპირ ბუცებით ჩამისრიალდა და სხვანაირად რომ არ მოვქცეულიყავი და დროულად ფეხი სხვა მიმართულებით არ გამეწია, ნამდვილად დავზიანდებოდი. მსაჯმა წესების დაღვევა დააფიქსირა და მას მეორე ყვითელი ბარათი აჩვენა, ეს ჩემი გადაწყვეტილება არ იყო. ის დიდი ფეხბურთელია და ვიმედოვნებ, ასეთ შეცდომებს არ დაუშვებს. ბაიერნს ასევე ხავი მარტინეზიც დააკლდება, მაგრამ მათთვის ამას დიდი მნიშვნელობა არ აქვს, რადგან ბაიერნი პროფესიონალი ფეხბურთელებით არის დაკომპლექტებული და მათი კარგი შემცვლელი გუნდში აუცილებლად მოიძებნება."-დაასრულა რუნიმ