რაფაელ და სილვამ გაიხსენა 2010 წლის დაპირისპირება მიუნჰენის "ბაიერნთან".
"ძალიან კარგად მახსოვს 2010 წელს გამართული მატჩი "ბაიერნთან". ჩვენ საუცხოო ფეხბურთს ვთამაშობდით და 3-0 ვიგებდით, მაგრამ შემდეგ წითელი ბარათი მივიღე. იმ დღეს ვერასდროს ვერ დავივიწყებ. მატჩს ძალიან კარგად ვატარებდი, მაგრამ წითელმა ბარათმა ყველაფერი შეცვალა. იმ თამაშმა ბევრი მასწავლა. დიდი იმედი მაქვს, რომ სამშაბათს იღბალი ზურგს არ შემაქცევს." - აცხადებს რაფაელი manchestereveningnews.co.uk-თან.
"ისინი ახლა იმაზე ძლიერები არიან, ვიდრე 2010 წელს იყვნენ. მაგრამ ფეხბურთში ყველაფერი შესაძლებელია. თუ ჩვენ "მანჩესტერ იუნაიტედზე" დავიწყებთ საუბარს, ეს უდაოდ მსოფლიოს საუკეთესო გუნდია. ისტორია გვიჩვენებს, რომ ამ კლუბს ყველაფრის გაკეთება შეუძლია. ამისთვის კი საკმარისია 1999 წლის ფინალის გახსენებაც. ამ მოგონებას, ჩემი შთაგონების წყაროდ გამოვიყენებ."
"არც ისე დიდი ხნის წინ, ამ მატჩის ჩანაწერს სახლში ვუყურე. შეუდარებელი იყო! გავოცდი სოლსკიაირის თამაშით. როდესაც ის ჩვენს კლუბში იყო, ამ დღეზე ბევრს ვალაპარაკებდი ხოლმე."
"ჩემპიონთა ლიგა ძალიან მნიშვნელოვანია ჩვენთვის. აქ რომ წარმატებას მიაღწიო, 200-300 პროცენტით უნდა იშრომო და გაისარჯო. სამშაბათს ყველას ვანახებთ იმას, თუ რისი გაკეთება შეგვიძლია."