15-03-2014, 16:45

ავტორი: GeorgeBest ,

ნანახია: 2859,

კომენტარები: 14

"მანჩესტერ იუნაიტედი" - "ლივერპული" (პრევიუ)

გთავაზობთ ხვალინდელი მატჩის პრევიუს

"მანჩესტერ იუნაიტედი" - "ლივერპული" (პრევიუ)

სტადიონი: "ოლდ ტრაფორდი", მანჩესტერი
ტურნირი: ინგლისის პრემიერ ლიგა, 30-ე ტური
მსაჯი: მარკ კლატენბერგი
თარიღი: კვირა, 16 მარტი 2014 წელი.
მატჩის დასაწყისი: 17:30, (ჩვენი დროით)

"მანჩესტერ იუნაიტედი"

ტრავმირებულები: არავინ
დისკვალიფიკაცია: არავინ
კითხვისნიშნისქვეშ: ჯონი ევანსი, ხავიერ ერნანდესი
განაცხადი: De Gea, Lindegaard, Rafael, Evra, Ferdinand, Smalling, Jones, Evans, Vidic, Buttner, Giggs, Carrick, Young, Cleverley, Fletcher, Valencia, Kagawa, Nani, Fellaini, Januzaj, Mata, Rooney, Welbeck, Van Persie, Hernandez.

"მანჩესტერ იუნაიტედის" ლაზარეთი "ლივერპულთან" მატჩამდე ცარიელია. დევიდ მოიესმა განაცხადა, რომ ნანი თამაშს დაუბრუნდა და დიდი ალბათობით მოედანზე ვიხილავთ. რაც შეეხება ევანსსა და ერნანდეს მათ ტრამვა მოიშუშეს, მაგრამ მათი გამოჩენა მოედანზე კითხვისნიშნისქვეშ დგას.

"ლივერპული"

ტრავმირებულები: ხოსე ენრიკე
დისკვალიფიკაცია: არავინ
კითხვისნიშნისქვეშ: ლუკას ლეივა, მამადუ სახო
განაცხადი: Mignolet, Johnson, Agger, Skrtel, Flanagan, Gerrard, Allen, Henderson, Sterling, Sturridge, Suarez, Jones, Sakho, Cissokho, Toure, Lucas, Alberto, Coutinho, Aspas, Teixeira, Moses.

"ლივერპულს" პრობლემები აქვს. ტრამვის გამო ხვალინდელ თამაშში მონაწილეობას ვერ მიიღებს ხოსე ენრიკე. კითხვისნიშნისქვეშაა მამადუ სახოს და ლუკას ლეივას თამაში

გუნდების ფორმა

პოზიცია: მე-6 ადგილი 48 ქულა
ბომბარდირები: ვან პერსი 11 გოლი; რუნი 11 გოლი)

პრემიერ ლიგის ბოლო 6 მატჩში "მანჩესტერ იუნაიტედმა" მხოლოდ 6 გამარჯვება მოიპოვა. ამ დროისთვის "წითელი ეშმაკები"48 ქულით 6–ე ადგილს იკავებენ ცხრილში, რაც ყველაზე ცუდი მაჩვენებელია 1992 წლის შემდეგ. დევის მოიესის შეგირდებმა ბოლო პრემიერ ლიგის მატჩი "ვესტ ბრომვიჩთან" გამართეს და სტუმრად დამაჯარებელი თამაშით 3 ქულაც მოიპოვეს. მანჩესტერელებმა პრემიერ ლიგის ბოლო მატჩი "ოლდ ტრაფორდზე" "ფულემის" წინააღმდეგ ფრედ 2–2 დაასრულეს. "იუნაიტედს" ოთხეულთან ამ დროისთვის 9 ქულა აშორებს, თუმცა თანაქალაქელ "სიტის" "ეშმაკებზე" 2 მატჩით ნაკლები აქვს ჩატარებული. რობინ ვან პერსიმ შეძლო და ტრამვის აღმოფხვრის შემდეგ ბოლო 7 მატჩიდან 6 გოლის გაიტანა. თუ პერსიმ ხვალ "ოლდ ტრაფორდზე" ითამაშა, ეს პრემიერ ლიგაში მისი 250-ე მატჩი იქნება.

პოზიცია: მე-2 ადგილი 59 ქულა
ბომბარდირები: ლუის სუარესი 24 გოლი; დანიელ სტარიჯი 18 გოლი;

"ლივერპული" საუცხოო ფორმაშია, პრემიერ ლიგის ბოლო 6 მატჩში მათ 5 გამარჯვება მოიპოვეს და 1 ფრედ ითამაშეს. გუნდი ამ დროისთვის 59 ქულით 2–ე ადგილს იკავებს, რაც მათი საუკეთესო მაჩვენებელია პრემიერ ლიგაში. ბრენდან როჯერსის შეგირდები ზედიზედ 4 მატჩია პრემიერ ლიგაში გამარჯვებულები გამოდიან, ბოლო შეხვედრა 1 მარტს, "საუტჰემპტონის" წინაარმდეგ გამართეს, სადაც 0–3 გაიმარჯვეს. "ლივერპული" 1 ადგილოსან ლონდონის "ჩელსის" 7 ქულით ჩამორჩება და 1 თამაშით ნაკლები აქვს ჩატარებული "არისტოკრატებზე". სტივენ ჯერარდი და რობი ფაულერი ამ გუნდების დაპირისპირების საუკეთესო ბომბარდირები არიან. მათ ანგარიშზე 6-6 გოლია.

ტრამვირებულებზე:

"ნანი დაბრუნდა. როგორც იცით პორტუგალიელს ძალიან მძიმე ტრამვა ჰქონდა და მის აღმოფხვრას ძალიან დიდი დრო დასჭირდა, თუმცა იგი მზადაა სათამაშოდ და დიდი ალბათობით თამაშს პირველივე წუთებიდან დაიწყებს. იმედია იგი ძველ ფორმას მალევე დაუბრუნდება. ტრამვა ჰქონდათ ასევე ჩიჩარიტოსა და რაფაელს, ისინი დაბრუნდნენ და ვესტ ბრომვიჩთან სათამაშოდ კარგად გამოიყურებოდნენ. ტრამვა საბოლოოდ აღმოფხვრა ასევე ჯონი ევანსმაც."

შეხვედრაზე:

"ლივერპულთან გამარჯვება ძალიან მნიშვნელოვანია. თუ ჩვენ ამ მატჩში გამარჯვება მოვიპოვეთ, ეს იქნება სასიცოცხლოდ მნიშვნელოვანი სამი ქულა. ჩვენ სეზონის პირველ ნახევარში მათ უკვე დავუპირისპირდით, ეს იყო ძალიან რთული მატჩი. მათ ფანტასტიური სეზონი აქვთ. მიუხედავად ამისა, ჩვენ სახლში ვთამაშობთ და ჩვენ უპირატესობა გვაქვს. ჩვენ ამ უპირატესობას ბოლომდე გამოვიყენებთ და სამი ქულისთვის ვიბრძოლებთ. ჩვენ ამ თვეს ძალიან რთული მატჩები გვაქვს ჩასატარებელი და ლივერპულთან გამარჯვება ძალიან გვჭირდება. ჩვენ მხოლოდ ერთი მოტივაცია გვაქვს და ეს - გუნდის პროგრესირებაა. ჩვენ ბოლო კვირაში თუ არ ჩავთვლით ოლიპიაკოსის წინააღმდეგ მატჩს თამაშები კარგად ჩავატარეთ. ჩვენ მუშაობა უნდა გავაუმჯობესოთ და ამ მიმართულებით მუშაობა კიდევ უნდა გავაგრძელოთ. მე ვხედავ ვარჯიშზე ბიჭები მონდომებას. მათ ძალიან სურთ საკუთარი ფორმის გაუმჯობესება და პროგრესირება."

რობინისა და უეინის დუეტზე:

"ჯერ-ჯერობით ყველაფერი ისე მიდის, როგორც საჭიროა. უეინმა გუნდთან ახალ გრძელვადიან კონტრაქტს მოაწერა ხელი. უკვე მერამდენეჯერ ვამბობ, რომ უეინისა და რობინის სახით მსოფლიოში ერთ-ერთი საუკეთესო თავდასხმის ხაზი გვყავს. ისინი საკუთარი გუნდისა და ნაკრების ლიდერები არიან და გამარჯვებაში მნიშვნელოვან როლს ასრულებენ. ეჭვიც არ მეპარება იმაში, რომ ასეთი ტიპის ფეხბურთელების ყოლა ყველა გუნდს სურს. მე ძალიან ბედნიერი ვარ, რომ ისინი ჩვენთან თამაშობენ და უფრო მახარებს ის ფაქტი, რომ ისინი იუნაიტედში ბედნიერნი არიან და გუნდისთვის ბოლომდე იხარჯებიან"

გუნდები საერთო ჯამში სულ 189–ჯერ დაუპირისპირდნენ ერთმანეთს. აქედან "იუნაიტედმა" 75–ჯერ მოახერხა მატჩის მოგება, 51 ფრედ, ხოლო 63 "ლივერპულის" გამარჯვებით დასრულდა. პრემიერ ლიგის ბოლო მატჩი "ოლდ ტრაფორდზე" 2012 წლის 25 აგვისტოს გაიმართა, რომელიც "ეშმაკებმა" 2–1 მოიგეს. "წითელი ეშმაკები" ყველა ტურნირზე ზედიზედ 3 მატჩია ამ დაპირისპირებაში გამარჯვებულები გამოდიან. ეს დაპირისპირება (ყველა ტურნირზე) უკვე 20 მატჩია უგოლოდ არ სრულდება. "იუნაიტედმა" "ოლდ ტრაფორდზე" "ლივერპულის წინაარმდეგ გამართულ ბოლო 9 მატჩში 8–ჯერ მოახერხა გამარჯვების მოპოვება. პრემიერ ლიგის ეგიდით ამ ორ გუნდს შორის ჩატარებულ მატჩებში 14 წითელი ბარათია ნაჩვენები. ამ გუნდების ბოლო შეხვედრა ლიგის თასზე "ენფილდზე" შედგა, სადაც "ეშმაკებმა" 1–0 გაიმარჯვეს ერნანდესის გოლის წყალობით.

ცოტა რამ ამ დაპირისპირების შესახებ

ამ დაპირისპირებას მთელი ინგლისი და არა მარტო ინგლისი მოუთმენლად ელოდება. ეს ორი ბრიტანული გრანდის დაპირისპირებაა და ამიტომაც ხშირად ამ მატჩს "ინგლისური დერბის" სახელით მოიხსენიებენ. ეს არის ორი ყველაზე ტიტულოვანი კლუბის დაპირისპირება. მთელი მსოფლიოს მასშტაბით ფეხბურთის მოყვარულების უმეტესობა ფიქრობს, რომ "ელ კლასიკოა" ყველაზე დაძაბული დერბი. მაგრამ ინგლისში ასე არ ფიქრობენ. სერ ალექს ფერგიუსონმაც განაცხადა ამ დერბის შესახებ, რომ ამ ორი კლუბის დაპირისპირება უფრო დაძაბული და მნიშვნელოვანია ვიდრე "ელ კლასიკო" იმიტომ, რომ აქ განსხვავება მცირეა როგორც ტიტულებში ასევე კლუბებს შორის მანძილში. "ინგლისური დერბის" ორივე გუნდის ფანები საკმაო რაოდენობით დადიან მოედნებზე, როგორც "ენფილდზე" ისევე "ოლდ ტრაფორდზე". რაც კატალონიასა და მადრიდს შორის მანძილის გამო ვერ ხერხდება.

პრემიერ ლიგის ეგიდით ბოლი მატჩი "ოლდ ტრაფორდზე"

ოფიციალური პრომო

მატჩის წინ

14 კომენტარი

№1

ავტორი: GeorgeBest

15 მარტი 2014 16:46

სიახლეები: 1729
კომენტარები: 12134

მგონი ყველაფერია და სათანადო პრევიუ გამომივიდა winked

ოლდ ტრაფორდზე ბოლო 9 მატციდან 8 მოგებაა, ხვალ მეცხრე გვექნება

№2

ავტორი: Rosso Diavolo

15 მარტი 2014 17:29

სიახლეები: 1002
კომენტარები: 2543

აუცილებლად უნდა მოვიგოთ

№3

ავტორი: Manchester_M

15 მარტი 2014 17:47

სიახლეები: 8
კომენტარები: 4027

ძან მინდა რომ მოვიგოთ :) და იმედია იმედებს არ გამიცრუებენ :X

№4

ავტორი: Luka Gelashvili

15 მარტი 2014 18:07

სიახლეები: 243
კომენტარები: 1953

უეჭველი უნდა მოვიგოთ . ფრე მაინც :დ

_ _ _ _ _ _ _ _ _ _ _ _ _ _ _ _ _ _ _ _

"Many great players have worn the shirt of Manchester United.. In so many ways Scholes is my favourite" - Sir bobby Charlton

№5

ავტორი: love united

15 მარტი 2014 18:09

სიახლეები: 304
კომენტარები: 5069

მთავარია სუარესი გააკონტროლონ და დანარჩენი თავისით გამოვა :დ

№6

ავტორი: Macklemore

15 მარტი 2014 19:41

სიახლეები: 24
კომენტარები: 2125

საღოლ ქონი! უძლიერესი პრევიუა! იმედია თამაშიც შესაფერისი წავა და 3 ქულას ავიღებთ! ამ მატჩით ბევრი რამ წყდება!

№7

ავტორი: Z A C K™

15 მარტი 2014 19:50

სიახლეები: 46
კომენტარები: 896

დამტვრეული არავინ გვყააავს!! უძლიერესი პრევიუაა!

_ _ _ _ _ _ _ _ _ _ _ _ _ _ _ _ _ _ _ _ I’ll always love you, Sir Alex.
Manager of my favorite club for my entire life.
Chewer of gum and winner of trophies, you’ll always be in our hearts.

№8

ავტორი: Red Hooligan

15 მარტი 2014 21:10

სიახლეები: 268
კომენტარები: 1754

ნანი დაბრუნდა. როგორც იცით პორტუგალიელს ძალიან მძიმე ტრამვა ჰქონდა და მის აღმოფხვრას ძალიან დიდი დრო დასჭირდა, თუმცა იგი მზადაა სათამაშოდ და დიდი ალბათობით თამაშს პირველივე წუთებიდან დაიწყებს.