მოგეხსენებათ, რომ ტონი კროოსი დევიდ მოიესის ერთ-ერთი უმნიშველოვანესი სამიზნეა, ამასთანავე, გერმანელი ახალ კონტრაქტზე ხელის მოწერას არ ჩქარობს და მის მომავალს სხვაგვარად ხედავს.

კროოს კონტრაქტის ვადა 2015 წელს ეწურება და ბოლო ხანებში ხშირად უკავშირებენ წითელ ეშმაკებს. ამ ყველაფერს ისიც ემატება, რომ "არსენალთან" განმეორებით მატჩამდე, პრესკონფერენციაზე მან განაცხადა, რომ არ იქნება წინააღმდეგი თუ ოლდ ტრაფორდზე "ამოყოფდა თავს".

"არაფერია ჩემს მომავალში გადაწყვეტილი." აცხადებს კროოსი. "არ არის საიდუმლო ის, რომ პრემიერ ლიგაში თამაშზე უარს არ ვიტყოდი. ჯერ არსად არაფერი შეთანხმებულა და ასეც იქნება ზაფხულამდე."

"ვფიქრობ თუ კლუბს დავტოვებ, ყველაფერი შესაძლოა მოხდეს ჩემ თავს. ახლა ვალდებული ვარ ვიფიქრო ჩემს მომავალზე და მივიღო სწორი გადაწყვეტილება. გავიგე, რომ უამრავი რამ იწერება ინგლისში ჩემს გადასვლაზე და ამასთან დაკავშირებით ახალის თქმა თავადაც არ შემიძლია."

"ამჟამად კლუბთან მოლაპარაკებები არ მიმდინარეობს და სწორედ ამან გამოიწვია ეს გამოხმაურება." "იუნაიტედი" კი შესაძლოა ამ სეზონში ჩემპიონთა ლიგის ასპარეზიდან "ოლიმპიაკოსმა" გამოთიშოს და კროოსი აცხადებს, რომ ეს არანაირ გავლენას არ იქონიებს მის სამომავლო გეგმებზე. "მე ყველაფერზე ვიფიქრებ, იმ შემთხვევაში თუ ამ კლუბიდან წავალ." აცხადებს კროოსი.

არსებობს ჭორები იმასთან დაკავშირებით, რომ კროოს გაუმჯობესებული კონტრაქტი სურს. ხოლო პეპ გუარდიოლა წნეხის ქვეშაა, რადგან მას რთულ პირობებში უწევს მისივე ფეხბურთელთან მუშაობა.

"კროოსს დიდი ტალანტი გააჩნია. ის ახალგაზრდა და კარგი ფეხბურთელია. მას შეუძლია კიდევ და კიდევ განვითარდეს." აცხადებს გუარდიოლა. "მე მას ვუთხარი რომ მას აქვს დრო იმისთვის რომ პროგრესი განიცადოს. ვიმედოვნებ რომ ამ სეზონში და არამხოლოდ ამ სეზონში ფორმას შეინარჩუნებს."

კროოსმა გერმანიის ნაკრებში უკვე 42 მატჩის ჩატარება მოასწო და გახდა ერთ-ერთი მთავარი ფეხბურთელი მიუბჰენის ბაიერნის. მან ასევე გოლის გატანა შეძლო "არსენალთან" ჩემპიონთა ლიგის მერვედ ფინალის პირველ მატჩში. დღეს ამ გუნდების განმეორებითი შეხვედრა გაიმართება ალიანს არენაზე.

წყარო: SkySPORTS