ფეხბურთელი, რომელმაც ყველაზე დიდი რეგრესი განიცადა ბოლო 2 წლის განმავლობაში. ფერდინანდი ყოველთვის გამოირჩეოდა თავის ბრძოლის უნარიანობით, პოზიციის სწორად შერჩევით და დიდი პროფესიონალიზმით, მაგრამ ეს იყო წლების წინ. დღეს რიომ საგრძნობლად მოუკლო თამაშს და ამისთვის ისიც კმარა თუ შარშანდელ და წლევანდელ შეხვედრებს გადავხედავთ. შარშან ფერდინანდმა პრემიერ ლიგაში სულ 29 შეხვედრა ჩაატარა და ჯერ კიდევ ითვლებოდა გუნდის სრულფასოვან წევრად ვიდიჩთან ერთად. წელს კი ამ მაჩვენებელმა საგძნობლად იკლო. განვლილი 28 ტურის შემდეგ ფერდინანდმა მხოლოდ და მხოლოდ 8 შეხვედრაში მიიღო მონაწილეობა რაც მისი ცუდი სათამაშო ფორმის დამსახურებაა. ამ ყველაფრის გათვალისწინებით ალბათ რიო ფერდინანდი ერთერთი მათგანი იქნება ვინც წელს გუნდს დატოვებს.






ფეხბურთელი, რომელიც 90% ზაფხულში გუნდს დატოვებს და დიდი ალბათობით იტალიურ მილანის "ინტერს" შეუერთდება. ეს ყველაფერი კი მისი არასტაბილურობით არის გამოწვეული. თუ ზემოთ ფერდინანდის ცუდ ფორმას გავუსვით ხაზი არ შეიძლება ვიდიჩის რეგრეს არ შევეხოთ. გუნდის კაპიტანი და დაცვის ბურჯი და ლიდერი დღეს ერთ_ერთი ყველაზე სუსტი რგოლია. წლევანდელ მის შეხვედრებს თვალს ვინც ადევნებს დამეთანხმება, რომ როდესაც სერბი მოედანზეა "იუნაიტედის" კარში გატანილო გოლების 40% თუ უფრო მეტი არა მის სინდისზეა. სწორედ ამის გამო არის , რომ ვიდიჩი მომავალი წლიდან ინგლისიდან იტალიაში გადაბარგდება და იქ განაგრძობს უკვე თავის კარიერის ბოლო წლებს. 2 წლის უკანდელი გაუვალი ვიდიჩი -ფერდინანდის დუეტი დღეს სამწუხაროდ აღარ არსებობს.






თუკი ზემოდ ხსენებული 2 მცველის წასვლა იმით აიხსნება, რომ ასაკში შევიდნენ და თავაანთი წვლილი უკვე შეიტანეს "იუნაიტედის" განვითარებაში ამჯერად საქმე უფრო რთულადაა. ბიუტნერი 2 წლის უკან გადმოვიდა "იუნაიტედში" და დიდი სათამაშო დროც არ ეძლევა ვინაიდან მის პოზიციაზე ფრანგი პატრის ევრაა. სულ ამ 2 წლის განმავლობაში ჰოლანდიელმა "იუნაიტედის" მაისურით 18 შეხვედრა ჩაატარა და ამ მატჩებმა გვაჩვენეს, რომ "იუნაიტედის" დონის მცველი ბიუტნერი ნამდვილად არ არის და უფრო ღირსეული შემცვლელი გვჭირდება. ეს ყველაფერი კი მისი არასტაბილურობით და ბავშვური შეცდომებით არის განპირობებული. თუ კარგად დააკვირდებით მის თამაშს ერთი შეხედვით სულაც არაა ცუდი მცველი, მაგრამ შეტევაში გართობა უყვარს რის შემდეგაც დაცვაში ჩამოსვლას ვეღარ ასწრებს და დიდ გუნდებთან ეს დიდ პრობლემებთან იქნება დაკავშირებული. ასევე უნდა ავღნიშნოთ მისი ბურთთან რთულად გამოთხოვება რის გამოც ხშირად იკარგება ბურთი. ასე და ამგვარად კიდევ ერთი მცველი, რომელამც გუნდი უნდა დატოვოს ეს სწორედ ჰოლანდიელია. ის იმაზე დიდ გუნდში მოხვდა ვიდრე წარმოედგინა.





ფეხბურთელი, რომელიც ერთ_ერთი ყველაზე დიდი იემდგაცრუებაა "იუნაიტედის" ქომაგებში. მისი პირველი სეზონი ძალიან კარგად დაიწყო და გუნდის ძირითად ფეხბურთელადაც მოიაზრებდა ბევრი, მაგრამ ეს ყველაფერი მოჩვენებითი იყო. ინგლისელი ნახევარმცველი ვერა და ვერ გაიხსნა ბოლომდე და არა მხოლოდ ვერ გაიხსნა არამედ დღითი_დღე მისი სათამაშო ფორმა უფრო და უფრო უარესდებოდა. რით არის ეს ყველაფერი განპირობებული რთული სათქმელია, მაგრამ იანგის წუთები, რომ "მანჩესტერში" დათვლილია ეგ ყველასათვის ნათელია. მარტო წლევანდელი წლით, რომ ვიმსჯელოთ იანგის სახით "მანჩესტერს" ჰყავს ერთი საშუალოზე საშუალო დონის ფებხურთელი, რომელსაც ზედმეტად მეტი სათამაშო დრო ეცემა და ამ ყველაფრის ფონზე მაინც ვერანაირი სარგებელი ვერ მაოქვს გუნდისთვის და მისი წამოწყებულ შეტევებიც ერთფეროვანი და მოსაბეზრებელია.






ახალი რონალდო. სწორედ ასე მოიხსენიებდნენ მას 2010/11 წლებში როდესაც პორტუგალიელი ფორმის პიკში იყო და "იუნაიტედი" მის გარეშე უბრალოდ წარმოუდგენელი იყო. შეიძლება ზედმეტად გადამეტებული იყო მისი რონალდოსთან გაიგივება, მაგრამ ნანის რომ დიდი პოტენციალი გააჩნდა ამაზე ყველა ერთხმად ვთანხმდებით. ყველაფერი დაიწყო 2 წლი უკან როდესაც ლუის ნანის სათამაშო ფორმა და დრო ერთნაირად დაეცა. სერ ალექს ფერგიუსონიც კი ხშირად მნიშვნელოვან მატჩებში ანტონიო ვალენსიას უფრო ენდობოდა ვიდრე პორტუგალიელს. ამ ყველაფრის ფონზე ნანიმ წლევანდელი სეზონი კიდევ უფრო ჩააგდო, მაგრამ ეს უკვე ტრავმების ბრალიც არის რის გამოც უკვე კარგახანია ლაზარეთში იმყოფება და ვერა და ვერ ახერხებს გამოჯამრთელებას. ერთი რამ კი ნათელია, ნანიმ თავის შესაძლებლობები "მანჩესტერში ამოწურა და დიდი ალბათობით ის გუნდს სეზონის ბოლოს დატოვებს. უკვე მე_2 წელია "იუნაიტედისთვის" არანაირი სარგებელი არ მოაქვს პორტუგალიელს.






კიდევ ერთი ნახევარმცველი, რომელსაც "იუნაიტედის" ფანებისგან კრიტიკის ქარ_ცეცხლი დაატყდა. ყველაზე არაპროდუქციული ფეხბურთელი, რომელსაც ყველაზე დიდი დრო მიეცა წლევანდელ სეზონში. სწორედ ამის ფონზე "იუნაიტედის" ამჟამინდელი ფორმა ადვილად აიხსნება. "უიგანიდან" დაბრუნებულიქლევერლი ბევრმა უმალ ბექემის შემცვლელად მონათლა და უახლოეს მომავალში მისი სახით "იუნაიტედს" და ინგლისის ნაკრებს უდიდესი ფეხბურთელი ეზრდებოდა, მაგრამ ეს ყველაფერი მითი აღმოჩნდა. ქლევერლის ნიჭი და პოტენციალი ყოველი მატჩის წინ ქრებოდა და საბოლოოდ იქამდე მივიდა, რომ აღარავის მისი შესაძლებლობის არ სჯერა, მეტიც. ის დიდი ალბათობით გუნდს დატოვებს ან უარეს შემთხვევაში სათადარიგოთა ფეხბურთელი გახდება, რომელიც ხშირად 18 კაცში ვერ მოხდება ეს კი მას შემდეგ რაც "იუნაიტედი" ახალი ფეხბურთელებით დაკომლექტდება.






მოდით ვიყოთ პირდაპირები და ვაღიაროთ, რომ გიგზის ფეხბურთი მორჩა. ყველამ ვიცით, რომ ლეგენდა და ყველა უდიდეს პატივს ვცემთ როგორც ფეხბურთელს და როგორც პიროვნებას იმის გამო რაც მან "იუნაიტედისთვის" გააკეთა ამდენი წლის განმავლობაში, მაგრამ ყოველთვის დგება მომენტი, როდესაც ადგილი სხვას უნდა დაუთმო. წლევანდელ სეზონში თუ ვიტყვით, რომ გიგზის გარეშე ვთამაშობთ არავინ არ შემეკამათება, ვინაიდან მოედანზე სულ რამოდენიმეჯერ გამოჩნდა. ასევე ბოლო 4 წლის განმავლობაში ყოველ წლიურად იკლებს გიგზის სათამაშო დრო და შედეგიანობა. ასე და ამგავრად სჯობს ადგილი უფრო ახალგაზრდა ფეხბურთელებს დაუთმოს. რაც შეეხება გიგგზს ის მუდამ იქნება "იუნაიტედის" ფანების გულში და იმ ეპოქის მთავარ მოქმედ პირად რომელსაც სერ ალექს ფერგიუსონის ეპოქა ჰქვია.




ეს ის 7 ფეხბურთელია, რომლებამც ზოგმა ამოწურა თავის შესაძლებლობები, ზოგმა ვერ გაამართლა და ზოგიც კი ასაკშია და მისი გუნდში ყოფნა არაფერ სასიკეთოს არ მოგვიტანს. ამ სიას შეიძლება კიდევ 2-3 ფეხბურთელის მიმატება, მაგრამ ეს უკვე ძალიან არარეალური იქნება. იუნაიტედს ერთ სეზონში 10-11 ფეხბურთელი არ დატოვებს, ამის ილუზია არავის ჰქონდეს. ყველაზე დიდი პასუხისმგებლობა სწორედ ამ ფეხბურთელებს ეკსირებათ წლევანდელი "იუნაიტედის" ცუდად ასპარეზობა. შეიძლება ზოგიერთმა გუნდის მთავარ მენეჯერს დაბრალოს, მაგრამ მოდით ვიყოთ რეალისტები და ვთქვათ იუნაიტედის 27-28 კაციანი განაცხადიდან რამდენი იმსახურებს ყოფნას ამ გუნდში დღეს ამ წუთას? ამის შემდეგ ყველამ თავის თავს დაუსვას კითხვა ამდენი უსარგებლო ფეხბურთელით შეიძლება მსოფლიოს ყველაზე რთული "ჩემპიონატის" მოგება? კი თუ სერ ლექს ფერგიუსონია, მაგრამ დიდი ალბათ წელს ვერც ფერგიუსონი მოიგებდა ამ შემადგენლობით ინგლისის ჩემპიონატს რადგან უმრავლესობამ თავის თავი ამოწურა. გუნდს ახალი სისხლი და ახალი შემართება სჭირდება ახალი ფეხბურთელებით და ახალი მიზნებით.