დილემის წინაშე მდგომი მოიესი.
"იუნაიტედის" თავკაცმა სწორი გადაწყვეტილებები უდნა მიიღოს.
ვან პერსის ხშირად მოუწია თამაშების გაცდენა და ფორმიდანაც ამოვარდა. ბოლო დროს მომხდარი მოვლენების გათვალისწინებით, მისი თანაგუნდელები ფიქრობენ, რომ ჰოლანდიელი "ოლდ ტრაფორდზე" ბედნიერად არ გრძნობს თავს.
ფორვარდის ყოფნა-არყოფნის საკითხი კითხვის ნიშნის ქვეშ დგას შაბათის მატჩში "ვესტ ბრომვიჩის" წინააღმდეგ. ჰოლანდიელი სანაკრებო ვარჯიშების დროს ცუდად გახდა.
პერსი ფორმიდანაა ამოვარდნილი. უკმაყოფილო ვან პერსი საბერძნეთში. ვან პერსი წელს ძალიან აგრესიულია, ის მსაჯებთან ჩხუბსაც არ ერიდება. მოიესმა მტკიცედ დაიცვა 30 წლის ფორვარდი და უარყო, რომ მათ შორის გაუგებრობაა. თუმცა პრესა არ ჩერდება და ამტკიცებს, რომ დევიდი ჰოლანდიელით უკმაყოფილოა და არ იცის უნდა ენდოს თუ არა გასული სეზონის ბომბარდირს.
ვან პერსის არცთუ ისე ცოტა გოლი აქვს გატანილი, თუმცა მისი და რუნის დუეტის ხარისხმა ქვევით დაიწია. "ოლიმპიაკოსთან" მატჩში, ისინი იშვიათად აძლევდნენ ერთმანეთს პასებს. მოიესს არ აწუხებს პერსის ბოლო კომენტარი გუნდის ფორმასთან დაკავშირებით, მაგრამ ერთი რამ რაც დევიდს დიდ საფიქრალში აგდებს, ეს პერსის ფორმა და მისი კომუნიკაციაა ფეხბურთელებთან მინდორზე.
ხელმძღვანელობას აინტერესებს რაშია საქმე, რატომ ამოვარდა რობინი ფორმიდან და ყველა ელოდება მის თითოეულ თამაშს, რათა ნახონ მოახერხებს, თუ არა პერსი გაუმჯობესებას სეზონის ბოლომდე. ამასთანავე "იუნაიტედის" თავკაცებმა განაცხადეს, რომ ჰოლანდიელი არ გაიყიდება იმ შემთხვევაშიც კი, თუ მას წასვლა მოუნდება.
ჰოლანდიელი ვალდებულია ფორმაში ჩადგეს და გუნდი კრიზისიდან ამოიყვანოს. რუნი-პერსის დუეტი ბოლო დროს არ არის ისეთი ძლიერი როგორიც იყო. მოიესზეა დამოკიდებულია ვან პერსი შევა თუ არა იმ ფეხბურთელთა სიაში, რომლებიც გუნდის აშენებას შეძლებენ. სამწუხაროდ, რობინი მოიესის ერთადერთი საფიქრალი არ არის. დევიდი "ევერტონიდან" გადმოსვლამდე ფიქრობდა, რომ "იუნაიტედს" ძლიერი შემადგენლობა ჰყავდა, მაგრამ როგორც კი კლუბი ჩაიბარა იმედები გაუცრუვდა.
ძალიან მცირე შანსია იმისა, რომ რიო "ოლდ ტრაფორდზე" დარჩება. ამასობაში კი, წითელი ეშმაკი, რომელიც ერთ დროს ყველაზე ძვირადღირებული მცველი იყო, დიდი ალბათობით ახალ კონტრაქტს ვერ მიიღებს და ინგლისელს კლუბის დატოვება მოუწევს. მას კი შემცვლელი სჭირდება.
ყველაფრის გათვალისწინებით, გუნდში დიდი კრიზისია, გულშემატკივარს კი მხოლოდ ის დარჩენია, რომ დაელოდოს დილემის წინაშე მდგარი მოიესისგან სწორ გადაწყვეტილებას.
DailyMail.co.uk