"მანჩესტერ იუნაიტედის" თავკაცმა დევიდ მოიესმა "ოლიმიაკოსთან" მატჩის შემდგომ პრესკონფერენცია გამართა.
შოტლანდიელმა "იუნაიტედის" საშინელ მატჩზე ისაუბრა და განაცხადა, რომ სრულ პასუხისმგებლობას თავის თავზე იღებს.
"ეს იყო უსაშინლესი მატჩი, რაც კი ოდესმე ჩემპიონთა ლიგაზე გაგვიმართავს. ჩვენ ძალიან ცუდად ვითამაშეთ. თამაშის ხარისხი ძალიან ცუდი იყო.გუნდმა საკუთარი შესაძლებლობები ვერ აჩვენა. გულახდილად გეუბნებით, დამარცხება ნამდვილად დავიმსახურეთ."
"გაკვირვებული ვარ. არ მოველოდი,რომ მატჩს ასეთ დაბალ დონეზე ჩავატარებდით. შეხვედრის დაწყებამდე ფეხბურთელები ძალიან კარგად გრძნობდნენ თავს, მათ ჰქონდათ არაჩვეულებრივი განწყობა, მაგრამ საბოლოოდ ვერცერთმა მოთამაშემ ვერაფერი აჩვენა."
"მხოლოდ იმის თქმა შემიძლია, რომ ჩვენ "ოლდ ტრაფორდზე" ბოლომდე ვიბრძოლებთ და შევეცდებით სიტუაცია გამოვასწოროთ. ჩვენ შესაძლებლობებს დავამტკიცებთ და ყველაფერს შევძლებთ, რათა მომდევნო ტურის საგზური მოვიპოვოთ."
"ეს მანჩესტერ იუნაიტედია. გუნდი, რომელსაც ბევრი ნიჭიერი მოთამაშე ყავს, მაგრამ დღეს ვერცერთმა ვერაფერი ვერ გააკეთა. პასუხისმგებლობას ჩემს თავზე ვიღებ. ჩვენ ერთი დიდი ოჯახი ვართ და ერთიანობას ყოველთვის შევინარჩუნებთ."