"მანჩესტერ იუნაიტედის" ჰოლანდიელი თავდამსხმელი, რობინ ვან პერსი რამდენიმე თავის თანაგუნდელს აკრიტიკებს და ამბობს, რომ ისინი ხშირად იმ პოზიციას იჭერენ, სადაც ის თავად უნდა იდგეს.
სწორედ პერსის ჰქონდა ერთადერთი და ყველაზე უფრო რეალური მომენტი "ოლიმპიაკოსთან" მატჩში, მაგრამ ჰოლანდიელმა ბურთი კარებს გადააცილა.
საბერძნეთში განცდილი მარცხის შემდეგ ვან პერსიმ დაუფარავად გამოხატა უკმაყოფილება თანაგუნდელების მიმართ, თუმცა მათი სახელები არ უთქვამს და ამასთან ერთად დევიდ მოიესიც დაიცვა.
"ჩემი თანაგუნდელები ხშირად იმ სივრცეს იჭერენ, სადაც მე მსურს თამაში. როცა ამას ვხედავ, მიჭირს იმ სივრცეში შეჭრა. ამიტომაც აუცილებლად უნდა ვაკონტროლო ჩემი აჩქარება, პარტნიორების თამაშის მიხედვით. სამწუხაროდ ისინი ხშირად თამაშობენ ჩემს ზონაში. ვფიქრობ, ეს ხელისშემშლელია."
"მწვრთნელიც ისევე თავდაუზოგავად ირჯება, როგორც ჩვენ ყველა. ხანდახან კარგად ვთამაშობთ, მაგრამ არა ყოველთვის. იღბალი არ გვაქვს. ადვილია ვინმეზე ხელის დადება, მაგრამ ემ ასე არ ვიქცევი. ჩვენ თავად უნდა ვეცადოთ კარგად ვითამაშოთ" - განაცხადა პერსიმ ჰოლანდიურ ტელეარხ NOS-თან ინტერვიუში.