"მანჩესტერ იუნაიტედი" მზად არის შეიძინოს კევინ სტროტმანი, წერს Football Direct News.
"მანჩესტერ იუნაიტედის" მენეჯერი დევიდ მოიესი, წინა ზაფხულსაც ინტერესდებოდა ჰოლანდიელით. თუმცა, კევინი საბოლოოდ "რომაში" აღმოჩნდა.
მაღალი დონის ნახევარმცველობა კევინმა პირველივე სეზონში დაამტკიცა. სწორედ მისი დამსახურებაა ის, რომ რუდი გარსიას გუნდი ტიტულისთვის იბრძვის.
დევიდ მოიესი ჰოლანდიელში 33 მილიონის გადახდას აპირებს. შოტლანდიელის აზრით იგი კარგად შეუწყვილდება ტონი კროსს, რომელიც "ბაიერნს" სავარაუდოდ ამ სეზონის ბოლოს დატოვებს.
მაიკლ კერიკი და ფლეჩერი 30 წელს უკვე გადაცდნენ, ანდერსონს და ტომ ქლევერლის კი "იუნაიტედის" ნახევარდაცვის გაკონტროლება არ შეუძლიათ. სწორედ ამიტომ ჰოლანდიელის ტრანსფერი საუკეთესო იქნება. კევინმა ამ სეზონში 7 გოლი და ამდენივე საგოლე გადაცემა გააკეთა.