"მანჩესტერ იუნაიტედის" მარცხენა მცველმა, პატრის ევრამ, რომლის როლიც დიდია ორივე გატანილ გოლში, გუშინდელი მატჩის შემდგომ კომენტარი გააკეთა.
"ჩვენ გავაკეთეთ ის, რაც უნდა გაგვეკეთებინა. ეს მნიშვნელოვანი იყო, გამომდინარე ჩვენი შედეგებიდან, უკვე აღარ შეგვეძლო კიდევ ერთხელ დამარცხება"
"ვფიქრობ გუშინ ყველამ დაინახა ძლიერი "იუნაიტედი". "იუნაიტედი", რომელიც აკონტროლებს ბურთს დამაჯერებლად და მუდმივად. ნამდვილად გახარებული ვარ ყველას გამო". - განაცხადა ევრამ კლუბის ტელეარხთან ინტერვიუში.
Sky Sports-ის ექსპერტებმა ევრა მატჩის საუკეთესო მოთამაშედ დაასახელეს, თუმცა ფრანგი ამას დიდ ყურადღებას არ აქცევს.
"მოხარული ვარ, რომ გუნდს დავეხმარე, მაგრამ ყველაზე მნიშვნელოვანი, სწორდ გუნდის. არავითარი მნიშვნელობა არ აქვს იმას, რომ მე საუკეთესო მოთამაშედ დამასახელეს, მე უბრალოდ 3 ქულით ვარ კმაყოფილი, რადგანაც ჩემთვის ყველა უფრო მნიშვნელოვანი "მანჩესტერ იუნაიტედია" და არა ის რომ ვიღაცამ პატრის ევრა საუკეთესოდ დაასახელა."
"მეორე გოლის დროს რუნიმ შესანიშნავად დაასრულა ჩემი ჩამოწოდებული, თუმცა ეს არც ისე მარტივი იყო. იგი სრულად იმსახურებს იმ კონტრაქტს, რომელიც რამდენიმე ხნის წინ გააფორმა. ძალიან მახარებს მისი ამბავი, რადგან იგი ისევ გუნდისთვის ირჯება. ეს კიდევ ერთი კარგი ნიშანია "მანჩესტერ იუნაიტედის" გულშემატკივართათვის. ნამდვილად მახარებს მისი ამბავი, ის ამას იმსახურებს."
პატრისმა ასევე აღნიშნა ვიდიჩისა და ფერდინანდის დუეტი, რომელიც ახლა ნამდვილად კარგ ფორმას აჩვენებენ.
"კარგია რომ ბიჭები დაბრუნდნენ. ისინი ძლიერად გამოიყურებიან. ისინი უდიდესი გმაოცდილების მფლობელები არიან, რიომ კი არაჩვეულებრივი შეხვედრა ჩაატარა "არსენალთან" მატჩში. ვიდიჩთან ერთად რიოც კარგ ფორმაშია და ეს ჩვენთვის დიდი პლუსია. ამ პოზიციაზე კრის სმოლინგსაც შეუძლია თამაში, როცა ფილ ჯონსი და ევანსი დაბრუნდებიან კი ყველაფერი შესანიშნავად იქნება. ჩვენ კარგი ცენტრალური მცველები გვყავს, ეს კი მნიშვნელოვანია კლუბისთვის."