ფილ ჯონსი გამოტყდა, რომ არ ჰყავს რომელიმე კერპი, რომელსაც იგი ბაძავს და რომლის მსგავსადაც სურს ითამაშოს.
საიდუმლოს არ წარმოადგენს ის ფაქტი, რომ 21 წლის ინგლისელი, რომელიც დევიდ მოიესისა და სერ ალექსის დროს დაცვის ცენტრსა და ნახევარდაცვაში გამოიყენებოდა, თავის თავს მომავალში ცენტრალური მცველის პოზიციაზე ხედავს.
თუმცა ჯონსი არ ცდილობს ვინმეს მიბაძოს. იგი მხოლოდ იმ მოთამაშეთა გამოცდილებას ეყრდნობა, რომელთა ხილვის საშუალებაც აქვს.
"მე ჩემი თამაში პრემიერ-ლიგის მცველების მაგალითზე ჩამოვაყალიბე, მაგრამ ერთი რომელიმე მოთამაშე არ არსებობს, ვის თამაშსაც ვბაძავ."
"მე ვცდილობდი რაც შეიძლება მეტ მოთამაშეზე მედევნებინა თვალი, შემესწავლა მათი ხასიათი, სანამ მათი თამაშის საუკეთესო თვისებებს საკუთარ თამაშში გამოვიყენებდი. არ არსებობს ერთი რომელიმე კონკრეტული მოთამაშე, რომელსაც ჩემზე გავლენა ექნებოდა. ხშირად მეკითხებიან ამას, მაგრამ მე არასდროს ვბაძავდი ერთ პიროვნებას."
"მნიშვნელოვანია უყურებდე და სწავლობდე რამდენიმე მოთამაშისგან, რათა საკუთარი თავი სრულფასოვან მოთამაშედ აქციო" - განაცხადა ჯონსმა "მანჩესტერ იუნაიტედის" ოფიციალურ საიტთან ინტერვიუში.