ერთბაშად რამდენიმე იტალიური წყარო იტყობინება, რომ "მანჩესტერ იუნაიტედის" 32 წლის სერბმა ცენტრალურმა დამცველმა იტალიურ კლუბ "ინტერთან" სამედიცინო შემოწმება გაიარა და 2+1 სისტემის ხელშეკრულებაც გააშანშალა, თუმცა ნემანიას მილანურ გუნდში ასპარეზობა 30 ივნისის შემდეგ შეეძლება, რადგან სწორედ მაშინ ხდება იგი თავისუფალი აგენტი. ვიდიჩი წლიურ გასამრჯელოდან 3.5 მილიონ ევროს გამოიმუშავებს. თუ ბრიტანულ პრესას დავუჯერებთ, ნემანიას გუნდიდან გაშვების ინიციატორი შოტლანდიელი სპეციალისტი დევიდ მოიესია, რომელმაც ბრძანა, რომ ეს ყველაფერი სერბ დამცველს წაადგება და თან მის ადგილას ახალგაზრდებს მიეცემათ თავის გამოჩენის საშუალებაო. შეგახსენებთ, რომ ნემანია ვიდიჩი "სპარტაკის" მოსკოვიდან 2005 წელს € 10.5 მილიონად შეუერთდა "მანჩესტერს".



წარსულში ცნობილი ინგლისელი დამცველის მარტინ კოუნმის თქმით: "ვიდიჩი გუნდს მაშინ ტოვებს, როდესაც უჭირს და ეს კაპიტნის მხრიდან უღირსი საქციელია. ნემანიას მორალური საკითხები ახლა ნაკლებად ანაღვლებს. პირიქით იმას ცდილობს, რომ "ინტერს", სადაც გადასვლას (დიდი ალბათობით) აპირებს (ცნობისთვის გეტყვით, რომ "ინტერი" თავის მოთამაშეებს წელიწადში 2.5 მილიონ ევროზე მეტს არ უხდის) სერბმა დამცველმა წლიური ჯამაგირი 4 მილიონამდე მოითხოვა, თუ არა, მაშინ ჩემის აზრით სხვაგან გადავა".

წყარო: sportwitness.ning.com