ნემანია ვიდიჩმა განაცხადა, რომ არ გაახანგრძლივებს კონტრაქტს "იუნაიტედთან" და მომავალ ზაფხულში გუნდს დატოვებს. ასევე დიდი ალბათობით, მანჩესტერულ კლუბს დატოვებს მეორე ლეგენდარული მცველი, რიო ფერდინანდი. ამიტომ, დევიდ მოიესს დიდი თავსატეხი გაუჩნდა- როგორმე უნდა ჩაანაცვლოს ლეგენდარული დუეტი. Sportsmail-მა გამოაქვეყნა იმ ფეხბურთელთა სია, რომლებიც შესაძლოა "იუნაიტედში" უახლოეს მომავალში ვიხილოთ.
დევიდ მოიესმა მომავალი ვიდიჩზე არ უნდა გათვალოს
გაუყვება რიო ვიდიჩის გზას?
ელიაკიმ მანგალა"პორტოს" ფრანგი მცველი ერთ-ერთ საუკეთესო ახალგაზრდათ ითვლება მთელ ევროპაში, მაგრამ მოიესი არ არის მოხიბლული მისი შესაძლებლობებით, ასე რომ 22 წლის მანგალას შეუძლია ნებისმიერ სხვა გუნდში გადასვლა, მათ შორის "სიტიშიც".
"იუნაიტედის" შანსები:1/5
ფაბიან შაარიტიპიური ცენტრალური მცველი შესაძლოა "ბაზელის" მეორე ფეხბურთელი გახდეს, ვინც წელს პრემიერ ლიგას მიაშურებს, მას შემდეგ რაც ამ გუნდის ერთ-ერთმა ლიდერმა, მოჰამედ სალამ "ჩელსიში" გადასვლა გადაწყვიტა. შვეიცარიელი მცველი სათამაშო ინტელექტითაც გამოირჩევა, მას კარგად შეუძლია შეტევებში ჩართვა.
"იუნაიტედის" შანსი:3/5
კირიაკოს პაპადოპულოსი21 წლის ბერძენ მცველს არაერთი ევროპული ტოპ-კლუბი აკვირდებოდა, მაგრამ მისმა სისტემატიურმა პრობლემებმა მუხლზე არაერთი ტრანსფერი ჩაშალა, მაგალითად ლივერპულს გადაწყვეტილი ჰქონდა მისი ყიდვა, მაგრამ ტრავმამ თავი იჩინა. ამ დროისთვის პაპადოპულოსი შესანიშნავ ფორმაშია.
"იუნაიტედის" შანსი:2/5
ხავი მარტინესი25 წლის ნახევარმცველს ასევე შეუძლია დაცვაში თამაში. ამავდროულად, ის კარგად იცნობს ხუან მატას და დევიდ დე ხეას. მოიესს სურს ამ ფეხბურთელის ყიდვა, მაგრამ მიუნხენელები არ აპირებენ მარტინესის დათმობას.
"იუნაიტედის" შანსი:2/5
ეზეკილ გარაიდევიდ მოიესს სურს არგენტინელი მცველის შეძენა, მაგრამ შანსი ნაკლებად აქვს. ამ ფეხბურთელისთვის აქტიურად იბრძვის სანტქ-პეტერბურგის "ზენიტი". რაც შეეხება გარაის, მას არ სურს რუსეთში გადაბარგება.
"იუნაიტედის" შანსი:1/5
მატს ჰუმელსიჰუმელსის და სუბოტიჩის დუეტი იდეალური იქნებოდა "იუნაიტედისთვის", მაგრამ მოიესს კარგად ესმის, ამდენი ფეხბურთელი "დორტმუნდიდან"- უბრალოდ წარმოუდგენელია. ტრავმები, რომლებიც მათ ამ დროისთვის აქვთ, კიდევ უფრო უბიძგებს მანჩესტერელებს დორტმუნდისთვის თანხის შეთავაზებისკენ.
"იუნაიტედის" შანსი:1/5
ჯონათან ტაჰი17 წლის ცენტრალური მცველი უკვე "ჰამბურგის" ძირითად მცველად ითვლება ასაკის მიუხედავად. გერმანულ კლუბს საქმეები კარგად ვერ მისდის- მათ ფული სჭირდებათ. ასე რომ, "იუნაიტედის" დროული შეთავაზება ამ ფეხბურთელის "ოლდ ტრაფორდზე" ხილვით დასრულდება.
"იუნაიტედის" შანსი:3/5
სერხიო რამოსირაც არ უნდა გასაკვირი იყოს, რამოსის მომავალს "იუნაიტედს" უკავშირებენ. ის ხესუს ნავასის კარგი მეგობარია, რომელიც "სიტის" მოთამაშეა, მაგრამ "რეალს" მის სანაცვლოდ 30 მილიონი ევრო სურს. მადრიდელები მის ჩანაცვლებას რაფაელ ვარანეთი ეცდებიან.
"იუნაიტედის" შანსი:2/5
მეჰდი ბენატიაის საფრანგეთში დაიბადა, მაგრამ მაროკოდან არის წარმოშობით. თავი კი "რომაში" ასპარეზობით გამოიჩინა, მას შემდეგ რაც დედაქალაქურ კლუბში "უდინეზედან" გადავიდა. 26 წლის მცველს არაერთი გოლი აქვს გატანილი, რაც "იუნაიტედს" ხელმძღვანელობას განსაკუთრებით მოსწონს.
"იუნაიტედის" შანსი:2/5
ინიგო მარტინესიკარგი არის საჰაერო ორთაბძოლებში, ფატქიურად არ კარგავს ბურთს, კარგად აკონტროლებს მას. სულ რაღაც 22 წლისაა, მაგრამ შეუძლია გადამწყვეტი გადაწყვეტილებების მიღება. ესპანელს "ბარსა", "სიტი" და "იუნაიტედი" აკვირდებიან, მაგრამ ბასკური კლუბი ჯერ არ აპირებს მის გაყიდვას.
"იუნაიტედის" შანსი:3/5
სტეფანო დენსვილი20 წლის მცველს უმთვარდება კონტრაქტი "აიაქსთან", ასე რომ მისი ხელში ჩაგდება ზაფხულში საკმაოდ იაფად იქნება შესაძლებელი. ის და მისი უფროსი გუნდელი, ჯოელ ველტმანი "იუნაიტედის" ყურადღების ქვეშ მოექცნენ.
"იუნაიტედის" შანსი: 2/5