"მანჩესტერ იუნაიტედის" სკაუტები რვაჯერ დაესწრნენ პორტუგალიელი ახალგაზრდა ნახევარმცველის, უილიამ კარვალიოს თამაშს. პორტუგალიური გამოცემის, O Jogo-ს ცნობით, დევიდ მოიესის გუნდის ხელმძღვანელობა 21 წლის ფეხბურთელს "სპორტინგსა" და "აკადემიკას" შორის გამართულ მატჩის დროსაც აკვირდებოდა, რომელიც უგოლო ფრით დასრულდა. კარვალიოს პორტუგალიის ნაკრებშიც უთამაშია. მისი დებიუტი 2014 წლის მსოფლიო ჩემპიონატის შესარჩევ მატჩში, შვედეთის წინააღმდეგ შედგა.
"იუნაიტედის" სკაუტები კარვალიოს აქტიურად აკვირდებიან
კარვალიოს "სპორტინგთან" კონტრაქტი 2018 წლამდე აქვს გაფორმებული. კონტრაქტის გასაწყვეტად ლისაბონურ გუნდს მსურველებმა დაახლოებით £37.5 მილიონი უნდა შესთავაზონ. "იუნაიტედი" ეცდება ფეხბურთელი ხელში უფრო იაფად ჩაიგდოს. უილიამით, რომელიც წინა წელს "სერკლ ბრიუგეში" იყო განათხოვრებული, ასევე ინტერესდებიან "რეალი" და ბარსელონა. მიმდინარე სეზონში მან 17 მატჩში 2 გოლი გაიტანა და 5 გაფრთხილება მიიღო.
კარვალიოს გადმოსვლა მანჩესტერში გარკვეულ პრობლემებს შეუქმნის ანდერსონს, რომელმაც რამდენიმე დღის წინ სკანდალური განცხადება გააკეთა, თითქოს ლუიშ ნანის და სხვა ფეხბურთელებს სურთ "ოლდ ტრაფორდის" დატოვება. მაგრამ ბრაზილიელმა მალევე უარყო ეს ყველაფერი და ჟურნალისტები გააკრიტიკა.
"იუნაიტედი" კარვალიოს ყიდვას ზაფხულში ეცდება.
კარვალიოს შესანიშნავი დარტყა. ფეხბურთელს ოდნავ არ გაუმართლა.