სამშაბათის პრესა იუწყება, რომ დევიდ მოიესმა ოფიციალურად მიმართა "ჩელსის" ხელმღვანელებს, რათა ხუან მატა მის შეგირდების სიას მიუმატოს. მოგეხსენებათ რომ ამ უკანასკნელს არ ეძლევა საკმარისი სათამაშო დრო, მას შემდეგ რაც გუნდში ჟოზე მოურინიო დაბრუნდა.
პრემიერ ლიგის ცხრილში, მეშვიდე ადგილზე მყოფი გუნდის ყოფილი ფეხბურთელი, გარი ნევილი ამ ფატქს გამოეხმაურა და დაამატა, რომ ზამთრის სატრანსფერო ფანჯრის დახურვამდე აუცილებელია გუნდს "ახალი სისხლი" შეემატოს. მაგრამ ყოფილი მცველი ფიქრობს რომ მატა ვერ ჯდება "იუნაიტედის" სათაშო სტილში.
"ეს დიდი თანხაა (37 მილიონი), მაგრამ კლუბს აუცილებლად სჭირდება ახალი ფეხბურთელი." - აცხადებს ნევილი Monday Night Football-თან ინტერვიუში.
"ერგება ის იმას, რასაც "იუნაიტედის" ფილოსოფია ჰქვია ?! მე ვიტყოდი რომ არა. პირველი კითხვა ის არის, თუ სად უნდა ითამაშოს მან ? უეინ რუნი და რობინ ვან პერსი შეტევის ხაზს მშვენივრად ინაწილებენ. მატამ მარცხენა ფრთაზე უნდა ითამაშოს თუ მარჯვენა ?!"
"ჩვენ ვხედავთ თუ როგორ უწევს ხანდახან კაგავას მარცხნივ თამაში. ჩვენ ერთად ვნახეთ თუ როგორ თამაშობდა კლებერსონი მარცხნივ. ასევე იყო ვერონიც, რომლმაც აგრეთვე მარცხენა ფრთაზე გადაინაცვა, რადგან ვერ ახერხებდა გამთამაშებლის პოზიციაზე თამაშს."
"დევიდ მოიესს ალბათ გუნდის ფილოსოფიის შეცვლა აქვს განზრახული. ალბათ ვინგერების გარეშე თამაშის დრო მოვიდა. ის ალბათ 3 ნახევარმცველით აპირებს თამაშს."
"იმისათვის რომ, მატამ შემადგენლობაში ადგილი დაიმკვიდროს, მაშინ ცვლილებები უნდა მოხდეს გუნდში. "იუნაიტედი" ძირითადად ვინგერებით თამაშობს და სად მოუწევს მატას ადგილის დამკვიდრება?"
"მატა შესანიშნავი ფეხბურთელია, ამაზე ორი აზრი არ არსებობს, მაგრამ რაც ყველაზე მეტად საჭიროა ის არის, რომ დებიდ მოიესმა, "მანჩესტერ იუნაიტედმა" და ედ ვუდვარდმა ხმაურიანი ტრანსფერი განახორციელონ."
"ეს სწორედ ისაა, რაც "იუნაიტედს" სჭირდება. ახალი ფეხბურთელების დამატება გუნდში მყოფთაგანების მოტივაციაზეც იმოქმედებს. სწორედ ამიტომაა აუცილებელი 3-4 ახალი ფეხბურთელის დამატება."
"შეიძლება მატას შეძენით რაღაც ახალი დაიწყოს გუნდში, მაგრამ თუ მკითხავთ, ჯდება თუ არა ის გუნდის სათამაშო სტილში, მე მაინც გეტყვით - არა." - დაასრულა გარი ნევილმა.
კიდევ ერთხელ მოგახსენებთ, რომ მატა სათამაშო დროის გამო უკმაყოფილიოა და სავარაუდოდ დატოვებს ლონდონურ კლუბს, რათა მუნდიალზე განაცხადში მისი მოხვედრის შანსები საგრძნობლად გაზარდოს. რაც ყველაზე მთავარია, "იუნაიტედი" მასში სარეკორდო თანხის გადახდას აპირებს, ყველაფერი ცნობილი 48 საათში გახდება.