დევიდ მოიესმა აღიარა, რომ აუცილებელია ფეხბურთელების ყიდვა ზამთარში მას შემდეგ, რაც "იუნაიტედმა" "სუონსისთან" FA თასის მატჩი წააგო. მანჩესტერის სატრანსფერო პოლიტიკა წინა ზაფხულში წარუმატებელი გამოდგა. შემადგენლობის გაძლიერება მოიესის თქმით, ზამთარში რთული იქნება:"მე უკვე ვთქვი, რომ მსურდა იანვარში ახალი ფეხბურთელების მოყვანა გუნდში, მაგრამ ეს თითქმის შეუძლებელი იქნება. არ ექნება აზრი მოლაპარაკებებს იმ მოთამაშეებთან, ვინც რეალურად გვჭირდება, რადგან ისინი არ დატოვებენ თავიანთ კლუბებს. " "იუნაიტედის" მოთხოვნად ფეხბურთელებს ორი ნახევარმცველი, ფორვარდი, ფლანგის და ცენტრალური მცველი დაემატა. MailOnline გვთავაზობს 6 ფეხბურთელს, რომელთა მომავალს მანჩესტერულ კლუბს უკავშირებენ.
ოღონდ ისევ არა!მოიესი უყურებს თავისი გუნდის მარცხს სუონსისთან
მარკო როისი(დორტმუნდის ბორუსია) £40მილიონი-იანვარში "იუნაიტედში" გადასვლის შანსი: 2/5
როისის შეძენა მოიესს ყველაზე მეტად სურს. ის გერმანელის შეძენით მარცხენა ვინგერის პრობლემის მოგვარებას აპირებს. მარკო ზუსტად მოერგება 3 შემტევი ნახევარმცველის ტაქტიკას. მას შეუძლია გაყვეს ძველი თანაგუნდელების, მარიო გიოტცესა და რობერტ ლევანდოვსკის გზას და დატოვოს "ბორუსია", მაგრამ ეს ტრანსფერი დიდი ალბათობით ზაფხულამდე არ შედგება. მანამდე "იუნაიტედი" უნდა ეცადოს მოლაპარაკების წარმოებას.
ჩაანაცვლებდა:
ეშლი იანგს, ნანის
მკვლელის ინსტიქტი: როისს შეუძლია გაატანინოს გუნდს მეტი გოლი
დიდი კითხვის ნიშანი:გერმანელი ფეხბურთელი "სიგნალ იდუნა პარკს" ალბათ დატოვებს
ანდერ ერერა(ბილბაოს ატლეტიკი)£31მილიონი, 3/5
"იუნაიტედი" ცდილობდა ერერას ყიდვას ჯერ კიდევ წინა ზაფხულში, მაგრამ მოლაპარაკებები არ შედგა. ამის მიუხედავად, მანჩესტერელები მაინც ეცდებიან "ატლეტიკის" ფეხბურთელის ყიდვას. სკაუტები მას კიდევ ერთხელ წინა უიქენდზე დააკვირდნენ. ესპანელს შეუძლია ფლეიმეიქერად თამაში. მას შეუძლია ისეთ ფეხბურთელს, როგორიც როისია ბურთი დროულად, კარგ სიტუაციაში მიაწოდოს. კიდევ ერთი პლიუსი- მას შეეძლება მანჩესტერთან ერთად ჩემპიონთა ლიგაზე თამაში.
ჩაანაცვლებდა: ტომ ქლევერლის
ერერა ერთ-ერთი საუკეთესოა მის კლუბში და მთლიან ლა ლიგაში
ცესკ ფაბრეგასი(ბარსელონა)£35მილიონი, 1/5
კიდევ ერთი ზაფხულში ჩაშლილი ტრანსფერი. "იუნაიტედს" კვლავ სურს ყოფილი "არსენალის" ფეხბურთელი, მაგრამ ნაკლებად სავარაუდოა, წარმატებას მიაღწიონ ამ საკითხში. ბარსელონას არ სურს ესპანელის გაყიდვა. ისინი ელოდებიან, თუ რა ვითარება იქნება გუნდში ზაფხულში.
ჩაანაცვლებდა: შინჯი კაგავას
"იუნაიტედმა" ვერ შეძლო ცესკ ფაბრეგასის შეძენა ზაფხულში
ბედნიერები ბარსელონაში: ცესკი თავის მეგობარ გოგოსთან ერთად "ელჩესთან" მატჩის შემდეგ
დიეგო კოშტა(ატლეტიკო მადრიდი)£32მილიონი, 1/5
კოშტა ამ სეზონში გოლს გოლზე იტანს და არ არის გასაკვირი, რომ მრავალი კლუბი დააინტერესა, მაგრამ "ატლეტიკოს" ხელმძღვანელებს მკაცრად აქვთ განსაზღვრული მისი შენარჩუნება. ისინი არ მოისმენენ არავითარ შეთავაზებას ზაფხულმდე. შემდეგ მისი ფასი დიდი ალბათობით გაიზრდება.
ჩაანაცვლებდა:რობინ ვან პერსის
ყველაზე მოთხოვნადი:თუ "იუნაიტედი" სერიოზულად გადაწყვეტს კოშტას შეძენას, მოუწევთ "ჩელსისთან" ბრძოლა
კოშტამ უკვე 23-ჯერ გაიტანა მიმდინარე სეზონში
ლუკ შოუ(საუტჰემპტონი)£30მილიონი, 2/5
მოიესმა გადაწყვიტა, რომ 29 წლის "ევერტონელი" ლეიტონ ბეინსი საკმაოდ ასაკოვანია ფულის დასახარჯად, ამიტომ ეცდება საუტჰემპტონის ფლანგის მცველის, ლუკ შოუს შეძენას. სამხრეთული კლუბი ეცდება შეინარჩუნოს მოთამაშე ზაფხულამდე, შემდეგ კი გაყიდოს 20 მილიონ ევროდ. ინგლისელით ასევე დაინტერესებულია "ჩელსი".
ჩაანაცვლებდა:პატრის ევრას
ყველაზე მოთხოვნადი ახალგაზრდა ფეხბურთელი
მოიესმა მრავალი მცდელობის მიუხედავად ვერ შეძლო ბეინსის ყიდვა
მეორე ფეხბურთელი დორტმუნდიდან, რომელსაც დიდხანს არ უწერია გერმანიაში დარჩენა. მოიესი ინტენსიურად აკვირდება ილკაის თამაშს. 23 წლის გიუნდოგანს არ უთამაშია აგვისტოს შემდეგ ზურგის ტრავმის გამო, ამიტომ უფრო რეალურია მისი შეძენა ზაფხულში, ვიდრე ახლა.
ჩაანაცვლებდა:ანდერსონს, მაიკლ კერიკს
გიუნდოგანი უკვე გახდა დორტმუნდისა და გერმანიის ერთ-ერთი წამყვანი ფეხბურთელი
ედინსონ კავანი(პსჟ)£60მილიონი, 1/5
როგორც ცნობილია, ურუგვაელი ფეხბურთელი კარგად ვერ შეეგუა საფრანგეთს. გუნდში ის კარგად ასპარეზობს- შეძლო 16 გოლის გატანა 22 მატჩში. ის სიამოვნებით შეხვდება ახალ გამოწვევას. პსჟ მას შეელევა 60 მილიონი ევროს შეთავაზების შემთხვევაში.
ჩაანაცვლებდა:რობინ ვან პერსის
კლასი, რომელიც საკმაოდ რთული შესაძენია, რადგან დიდ ბიუჯეტს მოითხოვს
რადამელ ფალკაო(მონაკო)£60მილიონი, 1/5
კოლუმბიელის ამჟამინდელი კლუბი, მონაკო არ თამაშობს ჩემპიონთა ლიგაზე და შესაძლოა მომავალ სეზონშიც არ ითამაშოს. ამიტომ ფალკაოს სხვა გუნდში გადაბარგება რეალურია. მონაკო მას დაახლოებით 60 მილიონ ევროდ აფასებს. "ჩელსი" ეცდება მის შეძენას ედინსონ კავანის მსგავსად.
ჩაანაცვლებდა:ხავიერ ერნანდესს
რადამელ ფალკაო ერთ-ერთი საუკეთესო ფორვარდია ევროპაში
სტივენ დეფური(პორტო)£40მილიონი, 3/5
"ასტონ ვილამ" უკვე მიმართა ბელგიელი ნახევარმცველის აგენტებს, რომელიც მზად არის ინგლისში გადასასვლელად. გასაგებია, რომ 25 წლის ნახევარმცველისთვის უკეთესი იქნება, თუ უფრო მაღალ დონეზე გადავა და ითამაშებს ჩემპიონთა ლიგაში. დეფური მარუან ფელაინის კარგი მეგობარია, რამაც შეიძლება უფრო რეალური გახადოს მისი ტრანსფერი "ოლდ ტრაფორდზე".
ნახევარდაცვის მაესტრო: "პორტოს" ფეხბურთელი სტივენ დეფური ფელაინის მეგობარია