"მანჩესტერ იუნაიტედის" ხელმძღვანელობა მზადაა დევიდ მოიესს 200 მილიონი ევრო გამოუყოს ტრანსფერებისთვის.

გუნდი იმყოფება ძალიან ცუდ სიტუაციაში და "ინგლისის თასზე" წაგების შემდეგ "იუნაიტედის" ერთადერთი ტიტულის მოგების რეალური შანსი არის "ლიგის თასი".

მოიესი დღეს გამართავს თასის ნახევარფინალურ შეხვედრას "სანდერლენდის" წინააღმდეგ, სადაც გუნდი სავარუდოდ რობინ ვან პერსისა და რუნის გარეშე იქნება.



შეიძლება ითქვას, რომ სერ ალექს ფერგიუსონის დატოვებულ გუნდში, პერსისა და რუნის გარდა არცერთი მსოფლიო დონის ვარსკვლავი არ თამაშობს. გლეიზერების ოჯახი კი მზადაა ამ სიტუაციის გამოსასწორებლად დიდი თანხები დახარჯოს მომავალ 18 თვეში.

ამ ზაფხულში "იუნაიტედი" ცდილობდა 90 მილიონ ევროდ ეყიდა ბეილი, ხოლო მეორე ვარიანტი კრიშტიანო რონალდოს "ოლდ ტრაფორდზე" დაბრუნება იყო, თუმცა საბოლოოდ ერთადერთი ტრანსფერი 27.5 მილიონად ნაყიდი მარუან ფელაინი აღმოჩნდა.

მოიესის სასურველ ფეხბურთელთა ჩამონათვალში არის ორი ცენტრალური ნახევარმცველი, ერთი თავდამსხმელი, ერთი ცენტრალური მცველი და მარცხენა მცველი. თუმცა თუ მას სურს მაღალი დონის ფეხბურთელების ყიდვა, მას ზაფხულამდე მოუწევს დაცდა.




მოიესი იმედგაცრუებულია რამდენიმე ფეხბურთელით, მას შემდეგ რაც ისინი დამარცხდნენ "ტოტენჰემთან" და გამოვარდნენ "ინგლისის თასიდან". "სუონსისთან" მატჩის შემდეგ კი მან ღიად განაცხადა, რომ გუნდს გაუჭირდება ახალი ფეხბურთელების ყიდვა იანვარში.

ამ წაგებამ, კიდევ უფრო გააძლიერა "ლიგის თასის" მოგების სურვილი წითლებში, რადგან ეს ერთადერთი ჩემპიონატია, რომლის მოგებაც შეუძლია გუნდს.

ამასთან დაკავშირებით ანდერს ლინდერგაარდმა განაცხადა: "ახლა მთავარი მიზანია ფინალში გასვლა, განსაკუთრებით ინგლისის თასზე დამარცხების შემდეგ. ჩვენ უნდა გავაუმჯობესოთ თამაში და წინ წავიწიოთ. ფინალში აუცილებლად უნდა მოვხვდეთ."

წყარო: DailyMail