ყველას კარგად ახსოვს 2010 წელი, როდესაც უეინ რუნიმ კლუბიდან წასვლა მოითხოვა, თუმცა საბოლოოდ ეს მან ხელი მოახერხა ახალ კონტრაქტს, რომლის მიხედვითაც ის 250 000 ფუნტს იღებს კვირაში.

მაგრამ, ზუსტად სამი წლის შემდეგ კი იგივე სცენარი მეორდება, რუნი ისევ წასვლას ითხოვს. თუმცა შესაძლოა ვერც გაამტყუნო ინგლისელი. მიუხედავად იმისა, რომ "მანჩესტერ იუნაიტედმა" წინა სეზონი ტრიუმფით დაასრულა, გუნდი ძალიან ცუდ მდგომარეობაში იმყოფება წელს, ამის მიზეზი კი სერ ალექს ფერგიუსონის წასვლაა.

ბოლოს "წითლები" 2014 წლის პირველ დღეს დამარცხდნენ "ტოტენჰემან" და ცხრილში მეშვიდე ადგილზე ჩამოქვეითდნენ. ეს ნიშნავს, რომ ყველანაირი საჩემპიონო ამბიცია გაქრა და ახლა ერთადერთი მიზანი ოთხეულში მოხვედრა იქნება.


ყველაზე ცუდ შემთხვევაში კლუბი ვერ მოახერხებს "ჩემპიონთა ლიგაზე" მოხვედრას, რაც გუნდისთვის დიდი დარტყმა იქნება.ისევე როგორც რუნისთვის, რომელსაც არ სურს კარიერის პიკი "ჩემპიონთა ლიგის" გარეშე გაატაროს.

28 წლის თავდამსხმელს, ამჟამინდელი კონტრაქტის მიხედვით მხოლოდ 12 თვე დარჩა გუნდში, მისი წარმომადგენლები კი ჯერ კიდევ არ თახმდებიან კონტრაქტის გახანგრძლივებაზე.

ალბათ ყველასთვის გასაგებია, თუ რატომ არ ჩქარობს უეინ რუნი გადაწყვეტილების მიღებას "მსოფლიო ჩემპიონატამდე". მას კარგად ესმის, რომ ეს მისი ბოლო კონტრაქტი იქნება კარიერაში. მას სურს დააკვირდეს კლუბის მდგომარეობას სეზონის ბოლოს და ნახოს რა ტრანსფერებს განახორციელებს გუნდი სატრანსფერო ფანჯრის დროს, რადგან ზაფხულის სატრანსფერო ფანჯარაზე უმოქმედობის გამო მთელი ტვირთი სწორედ ინგლისელზე გადავიდა.


გუნდმა არაერთხელ განაცხადა, რომ ისინი არავითარ შემთხვევაში არ გაყიდიან თავდამსხმელს, ამ სიტუაციაში კი 12 თვის შემდეგ ნებისმიერ გუნდს შეეძლება მისი უფასოდ აყვანა. არსებობს კიდევ ერთი ვარიანტი, ინგლისელს შეუძლია თავისივე სახსრებით გამოისყიდოს კონტრაქტი და უფასოდ შეუერთდეს მისთვის სასურველ გუნდს.

მოისი, ისევე როგორც ყველა გულშემატკივარი კმაყოფილია უეინ რუნის წლევანდელი თამაშით. ბევრი დარწმუნებულია, რომ ის შეძლებს სერ ბობი ჩარლტონის რეკორდის მოხსნას.

შოტლანდიელი მწვრთნელი ხშირად აკეთებს დამაიმედებელ განცხადებებს ინგლისელის კონტრაქტთან დაკავშირებით, თუმცა სინამდვილეში ამ საქმეში ძალიან მცირე პროგრესი განხორციელდა. თუ რუნის წასვლა სურს ის "ოლდ ტრაფორდს" დიდი ალბათობით ამ ზაფხულში დატოვებს, მსურველები კი მას არ აკლია. ყველაზე დიდ ინტერესს მის მიმართ "არსენალი" და "ჩელსი" იჩენენ, რომელთაც ყველაზე დიდი პრობელმა თავდასხმის ხაზში აქვთ.


თავისუფლად შეგვიძლია ვთქვათ, რომ რუნი ახლა კარიერის პიკში იმყოფება, თუმცა არავისთვის არაფერი არ აქვს დასამტკიცებელი. დღევანდელი "იუნაიტედში" რუნი უდავო ლიდერია, მან უკვე მოახერხა 11 გოლის 24 თამაშში და ის საუკეთესო ასისტენტია ევროპის მასშტაბით.

გუნდს ყავს კიდევ ერთი გამოკვეთილი ლიდერი რობინ ვან პერსის სახით, თუმცა მას ისევ დაეწყო ტრავმები, რომელიც მთელი მისი კარიერის განმავლობაში ხელს უშლიდა სრულყოფილად განვითარებაში. ასე რომ, ამ ფონზე უეინის წასვლა კიდევ უფრო დიდი დარტყმა იქნება გუნდისთვის.


ოთხშაბათს უეინ რუნიმ სულაც ტრავმირებულმა ითამაშა "ტოტენჰემის" წინააღმდეგ, თუმცა მაინც შეტევების მთავარ სულის ჩამდგმელად მოგვევლინდა და დაცვაშიც დიდ სამსახურს უწევდა გუნდს. ეს სცენარი ძალიან ნაცნობი გახდა ამ სეზონის განმავლობაში.

დღევანდელი სიტუაცია გვახსენებს 2010 წელს, როდესაც უეინ რუნიმ განაცხადა, რომ "ოლდ ტრაფორდი" შეიძლება აღარ იყოს მიმზიდველი ადგილი ტოპ კლასის ფეხბურთელებისთვის. შეიძლება მისი ნათქვამი სიმართლესაც შეესებამება, რადგან ბოლო პერიოდში "იუნაიტედმა" ერთადერთი ვარსკვლავი, რობინ ვან პერსი შეიძინა.


"იუნატედის" ხელმძღვანელობა დარწმუნებულია, რომ ისინი მოახერხებენ რუნის შენარჩუნებას და გუშინ გერმანიაში გავრცელებული ინფორმაციის თანახმად მოიესი მზადაა 40 მილიონი გადაიხადოს მარკო როისში.

ტრანსფერების მხრივ მთავარ სამიზნეებად ორი მაღალი დონის თავდამსხმელი ითვლება, თუმცა სასურველ ფეხბურთელთა სიაში რამდენიმე თავდამსხმელიცაა, მათ შორის არიან: რადამელ ფალკაო, ედისონ კავანი და დიეგო კოშტა.

უნდა ავღნიშნოთ, რომ მიუხედავად "პრემირერ ლიგაში" წარუმატებელი თამაშისა, "იუნაიტედი" კარგად იბრძვის სხვა ფრონტებზე. მათ მოახერხეს "ჩემპიონთა ლიგის" პლეი-ოფში მოხვედრა და მეოთხედფინალში გასვლის ძალიან კარგი შანსი აქვთ "ოლიმპიაკოსთან" დაწყვილების შემდეგ. ასევე ისინი უკვე "ლიგის თასის" ნახევარფინალში იმყოფებიან, სადაც ისინი "სანდერლენდს" დაუპირისპირდებიან.

წყარო: Dailymail