ბევრისთვის ეს სისულელე და დაუჯერებელია, მაგრამ ფაქტია-შეიძლება მოხდეს ის რისიც ყველას ძალიან გვეშინია.
მიუხედავად იმისა, რომ დევიდ მოიესმა გუნდი თითქმის გამოიყვანა კრიზისიდან და ის გამოსწორების გზაზე დგას, სერ ალექს ფერგიუსონის გადაწყვეტილება პენსიაზე გასვლისა, მაინც სავალალოა კლუბისთვის. დაცვა სუსტია, ნახევარდაცვაშიც ბევრი ხარვეზია, რობინ ვან პერსიც არც ისე კარგად უნდა გრძნობდეს თავს ტრამვების გამო. ჟურნალისტებისთვის ეს ყველაფერი საკმარისი აღმოჩნდა, რომ შეენიღბათ უეინ რუნის მომავალი და დაეინტრიგებინათ "მანჩესტერის" ფანები. ყველამ იცის, რომ თუ ეს ჭორები ტყუილი არ აღმოჩნდება და თუ "წითლების" სასიცოცხლო ფიგურა დატოვებს სახლს, ეს ტკივილს მოგვრის არამარტო ფანებს, არამედ თავად კლუბსაც.
როგორც ყველასთვის, ასევე ამ გულშემატკივრისთვისაც ძალიან რთული იქნებოდა რუნის წასვლის გადატანა. მოიესიც ამჩნევდა ამ საშიშროებებს და ძალიან ფრთხილად ეპყრობოდა უეინს, მიუხედავად იმ კომენტარებისა რაც ფორვარდმა გააკეთა მის ავტობიოგრაფიაში. სწორედ ამიტომ მათი ურთიერთობა ბოლო ექვსი თვის მანძილზე გასაკვირია. მოიესმა შეძლო და ფერგის ბიჭები ჩაიბარა, აიღო ეს უდიდესი პასუხისმგებლობა თავის თავზე, და ეს მისი და რუნის ურთიერთობის დამსახურებაც არის.
კიდევ ერთი ტკივილი ფერგის წასვლის შემდგომ, რომელიც შეიძლებოდა "იუნაიტედს" განეცადა. რუნი თამაშობს მის რჩეულ პოზიციაზე, შემტევი თავდასხმის უკან, რითაც დევიდ მოიესიც კმაყოფილია. ყველასთვის ცნობილი იყო, რომ კონფლიქტი ჰქონდათ უენსა და დევიდს, მაგრამ მათ მოაგვარეს პრობლემები და გუნდის წარმატებისთვის ახლა უკვე ერთობლივი ძალებით იბრძვიან.
"ახლა უკვე ჩვენი მწრთვნელი მოიესია. ის მათამაშებს ცენტრში და მე ამასთან დაკავშირებით არანაირი პრობლემა არ მაქვს, პირიქით მე მომწონს ჩემი დანიშნულება გუნდში. მე გავიტანე რამდენიმე გოლი და ვთამაშობ ყოველ კვირას. ასე კარგ ფორმაში თავი არასდროს მიგრძვნია."-ასეთი განცხადება გააკეთა წითლების ფორვარდმა ოქტომბერში.
უეინის გამოჩენას მოუთმენლად ელოდა გულშემატკივარი ზაფხულში აგორებული ჭორების შემდგომ. ძალიან სამწუხაროა, მაგრამ ფაქტია, რომ უეინ რუნი, რომელსაც ბოლო პერიოდში ცუდი ურთიერთობა ჰქონდა მწრთვნელთან და ჭორების თანახმად კლუბის შეცვლასაც აპირებდა, ჯერ კიდევ უარს ამბობს კონტრქატის განახლებაზე და მის მომავალზე არანაირ განცხადებას არ აკეთებს.
"იუნაიტედის" ხელმძღვანელობა ძალიან შეწუხებულია იმ ფაქტით, რომ რუნის აგენტს, პოლ სტრეტფორდს, შეუძლია იმ ფაქტის გამოყენება, რომ ფორვარდის კონტრაქტი, რომელიც £250,000 ყოველკვირეულ ხელფასს ითვალისწინებს იწურება 18 თვეში და ეს ნიშნავს, რომ უეინს შეეძლება თავისუფალი აგენტის სახით კლუბის დატოვება.
"როდის ვისაუბრებთ ჩვენ მის კონტრაქტზე? რა გიპასუხოთ, როცა თვითონაც არ ვიცი ამაზე პასუხი. მე მაინც ვფიქრობ, რომ ჩვენ მშვენივრად ვეწყობით ერთმანეთს. ყოველშემთხვევაში ზაფხულიდან მოყოლებული ამას ვცდილობთ და თუ ახლა არ გამოგვდის ბოლოს აუცილებლად მივაღწევთ."-განაცხადა დევიდ მოიესმა გასულ თვეს.
რათქმაუნდა ყველას სურს რუნის კონტრაქტის განახლება განსაკუთრებით ისეთ სიტუაციაში, როგორშიც დღეს გუნდია. თუ ეს მოხდება, უეინი შეინარჩუნებს ყველაზე მაღალანაზღაურებადი ფეხბურთელის სტატუსს კლუბში რობინ ვან პერსისთან ერთად, თუმცა ფორვარდი დროს ჭიმავს, რადგან იცის ეს ალბათ ბოლო კონტრაქტი იქნება მის კარიერაში.
გულშემატკივარი უეინს სახლში დარჩენას სთხოვს. და თუ მაინც გადაწყვიტა "წითელმა" ფერის შეცვლა ეს ალბათ კიდევ ერთი უდიდესი დარტყმა და ტკივილი იქნება "მანჩესტერული" სამყაროსთვის, თუმცა ზეიმი იმ გუნდისთვის, სადაც ის გადავა.
Goal.com