გუშინ დასრულდა ნაწილი მე-19 ტურის მატჩებისა, რაც იმას ნიშნავს, რომ დასრულდა სეზონის პირველ ნახევარი. სტატისტიკაზე დაყდრნობით DailyMail შეეცადა დაახლოებით განესაზღვრა ვინ მოიგებდა ტიტულს, ვინ შევიდოდა "ჩემპიონთა ლიგის" ზონაში და ვინ გავარდებოდა "პრემიერ ლიგიდან"

"არსენალი" ჩემპიონია

21 "პრემიერ ლიგის" სეზონიდან, 11-ში ჩემპიონი გახდა სწორეს ის გუნდი, რომელიც "ბოქსინგ დეის" დროს ცხრილი სათავეში იყო.


ვენგერი ბედნიერია, მისი გუნდი "პრემიერ ლიგის" მოგების მთავარი კანდიდატია

ეს ტენდენცია განსაკუთრებით აქტუალურია ბოლო წლებში. ბოლო 9 შემთხვევიდან, 8-ში "პრემიერ ლიგა" მოიგო გუნდმა, რომელიც ცხრილის სათავეში იყო 26 დეკემბერს.

აქვს კიდევ ვინმეს შანსი? დიახ!

"პრემიერ ლიგის" ბოლო 21 სეზონიდან 20-ში გაიმარჯვა გუნდმა, რომელიც "ბოქსინგ დეიზე" ოთხეულში იყო. მეორე და მესამე ადგილზე მყოფებმა მოიგეს ოთხჯერ, ხოლო მეოთხე ადგილოსანმა ერთხელ.

ასე რომ, თუ ისტორიას ვენდობით, "არსენალის" შემდეგ მოგების მთავარი პრეტენდენტები არიან "მანჩესტერ სიტი" და "ჩელსი".

"მანჩესტერ იუნაიტედის" მდგომარეობა უიმედოა

"პრემიერ ლიგის" ისტორიაში ვერცერთმა გუნდმა ვერ მოახერხა ოთხეულში მოხვედრა, როცა ისინი "ბოქსინგ დეიზე" ექვსეულშიც არ იყვნენ, "ბოქსინგ დეის" პირველ მატჩის შემდეგ კი "იუნაიტედი" მხოლოდ მეშვიდე ადგილს დაკმაყოფილდა.


დევიდ მოიესმა უნდა მოახეროხოს ის, რაც "პრემიერ ლიგის" ისტორიაში არავის გაუკეთებია

თუმცა "იუნაიტედის" გულშემატკივრებს აქვთ ერთი იმედის მომცემი ფაქტი. 1997-98 წლებში, პირველი წრის შემდეგ "არსენალი" იკავებდა მეექვსე ადგილს და 13 ქულით ჩამორჩებოდა "იუნაიტედს", რომელსაც ამ დროისთვის 46 ქულა ჰქონდა. თუმცა საბოლოოდ სეზონი "მეთოფეებმა" დაასრულეს ტრიუმფით.

ყველაზე დიდ კონკურენცია "პრემიერ ლიგის" ისტორიაში

საბოლოოდ ინგლისმა იხილა სრულფასოვანი შეჯიბრი, სადაც ტიტულისთვის მინიმუმ 5 გუნდი იბრძოლებს.


ჯერ-ჯერობით ცხრილს "მანჩესტერ სიტი" უდგას სათავეში

პირველ ოთხ გუნდს შორის განსხვავება არის სამი ქულა, რაც ყველაზე მცირეა "პრემიერ ლიგის" ისტორაში. მანამდე პირველი წრის შემდეგ პირველი ოთხეულის გუნდებს შორის საშუალოდ იყო 9 ქულა განსხვავება, ხოლო მაქსიმალური სხვაობა დაფიქსირდა 17 ქულა.

რაც შეეხება პირველ რვა ადგილს, მათ შორის სხვაობა არის 8 ქულა, რაც 1998-99 წლების შემდეგ არ დაფიქსირებულა.

"ლივერპულს" შეუძლია დაივიწყოს "ჩემპიონთა ლიგა"

"პრემიერ ლიგის" 21 სეზონიდან 16-ში, "ბოქსინგ დეის" დროს პირველ ოთხეულში მყოფი გუნდებიდან ერთი აუცილებლად ვარდებოდა უფრო დაბალ პოზიციაზე.


"ლივერპულს" ისევ გაუჭირდება "ჩემპიონთა ლიგაზე" მოხვედრა

მანამდე ასეთი გუნდები იყვნენ "უიმბილდონი" 1996 წელს, "ლეიკესტერი" 2000 წელს, "ფულემი" 2003 წელს, "ბოლტონი" 2006 წელს და ა.შ.

ახლა კი ჯერი "ლივერპულზეა"

"სანდერლენდი" პრემიერ ლიგას დატოვებს

"პრემიერ ლიგის" სტატისტიკა გვეუბნება, რომ "სანდერლენდის" გავარდნის შანსი არის 95%. "პრემიერ ლიგის" 20 სეზონში სწორედ ის გუნდები ვარდებოდნენ "ჩემპიონშიფში", რომლებიც "ბოქსინგ დეის" დროს ცხრილის ბოლოში იყვნენ.


"სანდერლენდი" ინგლისის უმაღლეს დივიზიონს დაემშვიდობება

ერთადერთი გამონაკლისი იყო "ვესტ ჰემის" "საოცარი გაქცევა" 2004-05 სეზონში

წყარო: DailyMail