"მანჩესტერ იუნაიტედის" მთავარმა მწვრთნელმა დევიდ მოიესმა განაცხადა, რომ იანვარში დიდი რაოდენობით ფულის ხარჯვის ნაცვლად, განათხოვრებული ფეხბურთელების დაბრუნებას აპირებს.
ამჟამად ჯესი ლინგარდი, ნიკ პოუელი და რაიან ტანიკლიფი წარმატებით თამაშობენ ჩემპიონშიპის გუნდებში "უიგანში", "ირმინგემში" და "იპსვიჩში", ამიტომ მოიესმა გადაწყვიტა, რომ ისინი "ოლდ ტრაფორდზე" დააბრუნოს და აქ მისცეს მათ შანსი.
"ჩვენ შევეცდებით იანვარში რაიმეს გაკეთებას. მე საკმაოდ აქტიურად ვაკვირდები ჩვენს ახალგაზრდა განათხოვრებულ ბიჭებს - როგორებიც არიან ნიკ პოუელი, ჯესი ლინგარდი, რაიან ტანიკლიფი."
"ჩვენ საკმაოდ ბევრი მოთამაშე გვყავს არენდით გაშვებული, ისინი გუნდის ნაწილები არიან. იმედი გვაქვს, რომ თუ მათი დახმარება გუნდს დასჭირდება, მათ დავაბრუნებთ იანვარში". - ციტირებს მოიესის სიტყვებს Manchester Evening News.