"მანჩესტერ იუნაიტედი" ზამთარში ბენფიკის ტრიოს გადმობირებისათვის იბრძოლებს.
ცნობილი პორტუგალიური გაზეთები "
Bola" და "
O Jogo" იტყობინებიან, რომ "მანჩესტერ იუნაიტედის" სკაუტები დიდი ხანია ჩავიდნენ პორტუგალიაში და აკვირდებიან ბენფიკას თამაშებს.
გასულ თვეში "იუნაიტედი" სერიოზულად განიხილავდა "ბენფიკას" ტრიოს: ეზეკიელ გარაის, ნიკო გაიტანისა და ნემანია მატიჩის გადმობირების საკითხს. მოიესმა განაცხადა, რომ 3 მოთამაშეში "იუნაიტედი" 80 მილიონის გადახდას აპირებს.
ეზეკიელ გარაი 27 წლის ცენტრალური მცველია, რომელიც რეალმა 2011წელს 18მილიონად გაყიდა. "მანჩესტერ იუნაიტედის" ცენტრალურმა მცველმა რიო ფერდინანდმა განაცხადა, რომ ამ სეზონის ბოლოს იგი "იუნაიტედიდან" წავა. ამ განცხადების შემდეგ მოიესმა თვალი გარაის დაადგა და იგი მოიაზრებოდა რიოს შემცვლელად.
ბოსმა ასევე განაცხადა, რომ მათი ძირითადი სამიზნეა 25 წლის "ბენფიკასა" და სერბეთის ნაკრების ნახევარმცველი ნემანია მატიჩი. ნემანიამ საუკეთესო სეზონი ჩაატარა "ბენფიკის" მაისურით და წელს "არისტოკრატების" რადარშიც მოხვდა.
მოგეხსენებათ ამ წელს შეიძლება გუნდი დატოვოს ვილფრიდ ზაჰამ, ლუიშ ნანიმ და ეშლი იანგმა. მოიესმა ამ ფეხბურთელების შემცვლელი იპოვა, 25 წლის არგენტინელი შემტევი ნახევარმცველის ნიკოლას გაიტანის სახით, რომელსაც "ბენფიკა" გაუშვებს კარგი თანხის შემოთავაზების შემთხვევაში.
წარმოუდგენელი იქნება ყველასთვის, თუ "ბენფიკა" დათანხმდება ამ შემოთავაზებას და გაუშვებს ერთდროულად 3ფეხბურთელს, მაგრამ ეს ნაბიჯი გამორიცხული არ არის.
წყარო