"იუნაიტედმა" გამორიცხა რობინ ვან პერსისა და შინჯი კაგავას გაყიდვა ზამთარში. მენეჯერი დევიდ მოიესი ეცდება შეინარჩუნოს შემტევი ხუთეული- რობინ ვან პერსი, უეინ რუნი, დენი უელბეკი, ჩიჩარიტო და შინჯი კაგავა. მანჩესტერი ოთხ ფრონტზე იბრძვის, ასე რომ ხუთივე მათგანი საჭიროა გუნდისთვის. შოტლანდიელმა მწვრთნელმა ასევე გამორიცხა კოლუმბიელი ფორვარდის, რადამელ ფალკაოს შესაძლო გადმოსვლა "ოლდ ტრაფორდზე".

შინჯი და რობინი გუნდს ზამთარში არ დატოვებენ

მოიესმა თქვა:"არ ვთვლი, რომ გვჭირდება ცენტრალური ფორვარდების დამატება. ჩვენ გვყავს ვან პერსი, რუნი, ერნანდესი, უელბეკი. ასევე შინჯი კაგავა, რომელსაც შეუძლია ითამაშოს ფორვარდის უკან. ხალხისთვის ადვილია დაასახელონ რომელიმე ფეხბურთელი, ვის შეძენასაც გვავალდებულებენ. ისინი ზედაპირულად უყურებენ ყველაფერს, როდესაც კარგად დააკვირდები მათ თამაშს, აშკარაა, არ გამოდგება "იუნაიტედისთვის". ამ სეზონში ლუის სუარესი და სერხიო აგუერო შესანიშნავ ფორმაში არიან. მოიესმა განაცხადა:"რობინ ვან პერსი ყველასთვის ანგარიშგასაწევი ძალაა. ასევე უეინ რუნი, რომელიც წელს შესანიშნავ ფორმაშია."

მოიესს ფალკაო არ აინტერესებს

ამ დროისთვის პერსი ბარძაყის ტრავმის გამო ვერ თამაშობს. გავრცელებული ინფრომაციით ეს იმის ბრალია, რომ მოიესი მას ძალიან დიდი დატვირთვით ავარჯიშებდა. მენეჯერს სურს ჰოლანდიელის დაბრუნება საშობაო პერიოდში. ის ვერ ითამაშებს "ჰალ სიტისთან", მაგრამ შესაძლოა მოგვიანებით დაუბრუნდეს "იუნაიტედს":"ვან პერსი ნელ-ნელა გამოკეთდება. ის თავს უკეთესად გრძნობს და კარგად გამოიყურება, მაგრამ ბოლომდე უნდა დავრწმუნდეთ, რომ განკურნებულია. მას ჰქონდა ბარძაყის ტრავმა "არსენალშიც". სწორედ ეს უნდა გავარკვიოთ- არ განუმეორდეს ეს. ამ ტრავმამ არ უნდა მიიღოს სისტემატიური სახე."

უილფრიდ ზაჰა ზამთარში ალბათ გუნდს დატოვებს

მოიესი რამდენიმე ფეხბურთელს დააყენებს ტრანსფერზე ზამთრის სატრანსფერო პერიოდში. ამ ჩამონათვალში შედიან ბრაზილიელი ანდერსონი, ვინგერი უილფრიდ ზაჰა და მარცხენა მცველი ალექს ბიუტნერი.