ჩვენ ყველას გვსმენია ისეთ მწვრთნელებზე, რომლებიც პრეტენზიას გამოთქვამენ იმასთან დაკავშირებით, რომ მისი გუნდის ფანები გუნდს მთელი მატჩის განმავლობაში არ უჭერენ მხარს. სწორედ მსგავსი განცხადებებით შემოიფარგლებოდა ანდრე ვილაშ-ბოაში, რომელიც ახლახანს დაითხოვეს "ტოტენჰემიდან". მწვრთნელების განცხადებით, მოედანზე მოსული ფანები ან ძალიან ჩუმები არიან, ან საერთოდ არ უდგანან გვერდში თავიანთ გუნდს. ამასთან დაკავშირებით talkSPORT-მა ჩაატარა გამოკითხვა პრემიერ ლიგის ფანებში თუ რომელი გუნდის გულშემატკივრები გამოირჩეოდნენ "სიწყნარით" და ხმები ასეთნაირად გადანაწილდა:



გამოკითხულის მხოლოდ ხუთმა პროცენტმა ჩათვალა, რომ ვილა პარკზე ჩუმი ქომაგები ბინადრობენ. ეს ალბათ თავიანთი გუნდის უსუსური მატჩებით და შედეგებით არის გამოწვეული. არის მოსაზრება იმისა, რომ ისინი გასვლით მატჩში უფრო უკეთ გამოიყურებიან, ვიდრე შინ.



გამოკითხულთან ექვსმა პროცენტმა მიიჩნია, რომ სწორედ "ლივერპულს" ჰყავს ყველაზე ჩუმი ფანები. ეჭვგარეშეა, "ენფილდი" ინგრევა, როდესაც გუნდის ევროპის მასშტაბით თამაშობს. მატჩამდე ყოველთვის გაიგონებთ მათ ჰიმნს "You'll Never Walk Alone", მაგრამ ინგლისში, სხვა გუნდების ფანები თვლიან, რომ ენფილზე შეკრებილი სტუმართა გუნდის ფანები გაცილებით უფრო ხმაურიენები არიან, ვიდრე "სკაუზერები".



მეხუთე და მეოთხე ადგილზე მყოფ ფანებს შორის დიდი სხვაობაა. "უაით ჰართ ლეინის" მკვიდრებმა ორჯერ მეტი ხმა მოაგროვეს, ვიფრე "სკაუზერებმა". ისინი 12% იკავებენ მეოთხე აგილს. ეს მაჩვენებელი იმაზე მიგვანიშნებს, რომ მათ ყოფილ მწვრთნელს, ანდრე ვილაშ ბოაშს ნამდვილად ჰქონდა მიზეზი ამ თემაზე სალაპარაკოდ. დღევანდელი მდგომარეობიდან გამომდინარე, "ტოტენჰემის" ფანები ვერ აანალიზებენ თუ რა უნდა იმღერონ და მთელი მატჩის განმავლობაში სიმშვიდეს ამჯობინებენ.



ლონდნურმა კლუბმა, "ფულჰემმა" ხმების 13% მოაგროვა და მესამე ადგილი დაიკავა. გუნდის თამაშის ხარისხთან ერთად, გულშემატკივრობის ხარისხიც კრიზისს განიცდის. ეს ყველაფერი იმითაა გამოწვეული, რომ "ფულჰემი" რბილად რომ ვთქვათ, საშინელ ფორმაშია. არ აქვს აზრი ვინ იქნება მათი მწვრთნელი, მარტინ იოლს კი უბრალოდ წილად ხვდა ამ კრიზისში მყოფი გუნდის გაძღოლა.



"წითელმა ეშმაკუნებმა" ხმების 15% მოაგროვეს "ჩუმ გულშემატკივრობაში" და სიის მეორე ადგილზე იმყოფებიან. ალბათ ეს იმითაა გამოწვეული, რომ სტადიონი ძალიან დიდია, ან ფანები მიეჩვივნენ გამარჯვებას და ნაკლებად გამოხატავენ ემოციებს. თუმცა, ფაქტია ის, რომ შორი გზიდან მოსულ "იუნაიტედის" ფანს მოედანზე შექმნილი ატმოსფერო იმედებს გაუცრუებს.



გამოკითხვა მეთოფეების "გამარჯვებით" დასრულდა. გამოკითხულთა ყოველი მეოთხე აცხადებდა, რომ ინგლისში ყველაზე ჩუმი ფანები სწორედ "არსენალს" ჰყავს. "ემირეითის" ბინადრებმა ხმების 24% მიიღეს. აღსანიშნია ის ფაქტი, რომ ეს სტადიონი "ჰაიბერიზე" გაცილებით დიდია და ალბათ ამ გარდაქმნამ დაუკარგა ატმოსფერო მოედანზე შეკრებილ "ბრბოს". ყოფილმა "მეთოფემ", ანდრეი არშავინმა განაცხადა, რომ ფანები ხშირად ისე იქცეოდნენ, თითქოს საფეხბურთო მატჩის ნაცვლად სპეკტაკლს ადევნებდნენ თვალს თეატრში.