როგორც ცნობილი გახდა"მანჩესტერ იუნაიტედის" მცველი რაფაელ და სილვა განიხილავდა ინგლისის ნაკრებში თამაშის შანსს, თუმცა მან შეცვალა გადაწყვეტილება მას შემდეგ რაც ადნან იანუზაის თემამ მთელი ინგლისი მოიცვა.
მარჯვენა მცველმა, რომელიც ბრაზილიაში დაიბადა, ითამაშა მხოლოდ ორი მეგობრული მატჩი "სელესაოს" შემადგენლობაში. ასევე მან წარადგინა ბრაზილიის ნაკრები საზაფხულო ოლიმპიადაზე.
23 წლის მცველმა ჯერ კიდევ ვერ მოახერხა ნაკრებში ადგილის მოპოვება, რადგან ამ პოზიაციაზე მსოფლიოს ერთ-ერთი საუკეთესო მარჯვენა მცველი, დანი ალვეში დგას. სავარაუდოდ, სწორედ "ბარსელონას" მცველი იქნება "მსოფლიო ჩემპიონატზე" მწვრთნელის ძირითადი არჩევანი.
Times-ის ცნობით რაფაელი სერიოზულად ფიქრობდა ინგლისის ნაკრებში თამაშზე, თუმცა ადნან იანუზაის "სამ ლომში" შესაძლო თამაშით გამოწვეულმა დებატებმა მას აზრი შეაცვლევინა.
ბელგიაში დაბადებულ იანუზაის, რომელსაც ალბანელი მშობელბი ჰყავს, შესთავაზეს ინგლისის ნაკრებში თამაში. თუმცა ამ გადაწყვეტილებამ დიდი კრიტიკა გამოიწვია და საბოლოოდ ეს ვარიანტი აღარ განიხილება.
ამ თემასთან დაკავშირებით კომენტარი გააკეთა ინგლისის ნაკრების წევრმა ჯეკ უილშირმა, რომელმაც განაცხადა, რომ ინგლისის ნაკრებში მხოლოდ ინგლისელებმა უნდა ითამაშონ. ამან თავისთავად გამორიცხა ადნან იანუზაის და რაფელის "სამ ლომში" თამაში.
რაფაელს აქვს პორტუგალიური მოქალაქეობა, ამიტომ განიხილებოდა მისი თამაში პორტუგალიის ნაკრებში, თუმცა საბოლოოდ ახალგაზრდა მცველს გადაწყვეტილი აქვს მთელი ძალებით იბრძოლოს ბრაზილიის ნაკრებში მოხვედრისთვის და გახდეს ლუის ფელიპე სკოლარის პირველი აჩევანი "მსოფლიო ჩემპიონატზე".
წყარო:
Mirror