მანჩესტერის მთავარ მწვრთნელს, დევიდ მოიესს, მოუწია აეხსნა ჟურნალისტთათვის ის მიზეზი, რის გამოც უეინ რუნიმ გამოტოვა შეხვედრა "სტოკ სიტისთან". მისი თქმით, თავდამსხმელს საზარდულის ტრავმა აწუხებს, რომელიც "ასტონ ვილასთან" მატჩში მიიღო. ამავდროულად, გუნდს გამოაკლდა რობინ ვან პერსი ბარძაყის ტრავმის გამო. მოიესი იმედოვნებს, რომ ეს იქნება ბოლო ტრავმა, რომელსაც მისი გუნდის ფეხბურთელი მიიღებს. მას შემდეგ, რაც უეინ რუნი არ იყო შემადგენლობაში ლიგის თასის მატჩში "სტოკ სიტის" წინააღმდეგ, გულშემატკივრებს გაუჩდათ კითხვები.







მოიესმა დასძინა, რომ რუნის არ ემუქრება გრძელვადიანი დასვენება. 28 წლის ინგლისელი დიდი ალბათობით მომდევნო მატჩში "ვესტ ჰემთან" ითამაშებს:"მას საზარდულის ტრავმა აქვს. დიახ, "ვესტ ჰემთან" ალბათ დაბრუნდება. "
გუშინდელი მატჩი მრავალმხრივ საინტერესო იყო. შეხვედრა 10 წუთით შეწყდა. მსაჯმა, მარკ კლატენბურგმა გადაწყვეტილება მას შემდეგ მიიღო, რაც ამინდი მკვეთრად გაუარესდა და მოედანზე რაიმეს დანახვა შეუძლებელი იყო.







მატჩი ეშლი იანგის ინდივიდუალური ტრიუმფი გამოდგა. მან შეაგდო მისი პირველი გოლი 19 თვიანი პაუზის შემდეგ, ასევე იანგმა საგოლე პასი მიითვალა. როდესაც მოიესს იანგის შესახებ კითხეს, მან თქვა: "ნამდვილად არ ვიცოდი, თუ რამდენი ხანი არ ქონდა მას გოლი გატანილი. ეშლის ჰქონდა შანსი, რათა გაეტანა და ეს შეძლო. იანგს სჭირდებოდა გოლის გატანა." იანგისთვის მიმდინარე სეზონი წარუმატებელია. მისმა ქმედებებმა აღშფოთება არა მხოლოდ მოწინააღმდეგე გუნდის ფანებში გამოიწვია, არამედ "ოლდ ტრაფორდზეც"."მე ვესაუბრე მას და ვუთხარი, გაეკეთებინა ყველაფერი სწორედ. ის ასეც მოიქცა. მას რამდენჯერმე ჩაარტყეს, მაგრამ ის აგრძელებდა თამაშს. მან გვაჩვენა, თუ რაოდენ მნიშვნელოვანია მანჩესტერისთვის."



"თუ შენ გსურს იყო წარმატებული, აუცილებელია კარგი შეტევა. მომდვნო მეტოქეს, "სანდერლენდს" კარგი შედეგი ჰქონდა "ჩელსისთან". ვეცდებით, მომდევნო ორი რაუნდიც წარმატებით გავიაროთ და გავიდეთ ფინალში. ჩვენი სავარაუდო მეტოქეები იყვნენ "სიტი", "ტოტენჰემი", "ჩელსი". მაგრამ არასდროს იცი, რა მოხდება წინასწარ. "



ასევე ისაუბრა "სტოკ სიტის" მწვრთნელმა, მარკ ჰიუგსმა:"ცუდათ ვითამაშეთ. ხვალ ვნახავთ ჩანაწერს, იმედია წაგება მხოლოდ იმის ბრალი არ იყო, რომ არ გვყავდა რობერტ ჰიუტი. რაც შეეხება მატჩის შეჩერებას, ეს ნორმალური იყო. მსაჯის თქმით, ვერაფერს ხედავდა. თუ შენ ვერ ხედავ, ვერ მიიღებ სწორ გადაწყვეტილებას."