როგორც ინგლისური გაზეთები იტყობინებიან, მანჩესტერ იუნაიტედი ამ სატრანსფერო ბაზარზე ორი მცველის გადმობირებას შეეცდება.
პორტუგალიური კლუბის "პორტუს" მცველი, ალექსი იუნაიტედის ინტერესების სფეროში მოექცა. იუნაიტედის ხელმძღვანელობა მზად არის 22წლის მცველი გადმოიბიროს, რადგან ისინი ცდილობდნენ ლეიტონ ბეინსის შეძენას, მაგრამ ამაოდ. სწორედ მის შემცვლელად მოიაზრებენ ალექსს.
ალექს სანდრუ 2011წელს სანტოსიდან პორტუში 8მილიონად გადავიდა, ზაფხულში კი შეიძლება პატრის ევრას შემცვლელადაც დასახელდეს. ფრანგს კონტრაქტი ივნისში ეწურება, მოლაპარაკება კი ჯერ არ დაწყებულა.
იტალიური კლუბის "ინტერის" მცველი ანდრეა რანოკია მანჩესტერ იუნაიტედის ინტერესების სფეროში მოექცა. ამ ფეხბურთელით იუნაიტედი ზაფხულშივე იყო დაინტერესებული, მაგრამ ოფიციალური შეთავაზება გაკეთებული არ ჰქონია.
"Daily Express"-ის ცნობით, ადნრეათი ლონდონის ჩელსიც დაინტერესდა. ჟოზე მოურინიო მის გადმობირებას ყველანაირად შეეცდება, რადგან ზამთრის სატრანსფერო ბაზარზე ყველაზე კარგ ტრანსფერად სწორედ ანდრეას მიიჩნევს. გასათვალისწინებელია ის ფაქტორიც, რომ ინტერი ჟოზეს გაწვრთნილი გუნდია.
ანდრეათი ინგლისის კიდევ რამდენიმე კლუბი ინტერესდება, ჩელსისთან, იუნაიტედთა ერთად ამ ფეხბურთელის გადაბირების სურვილი ლონდონის არსენალმაც გამოთქვა, მაგრამ ისინი არ არიან მზად გააკეთონ ოფიციალური შეთავაზება.