ადნან იანუზაიმ განაცხადა, რომ მას სურს მთელი კარიერა "მანჩესტერ იუნაიტედში" გაატაროს.
შესანიშნავმა ახალგაზრდა ფეხბურთელმა, ოქტომბერში ხელი მოაწერა ახალ კონტრაქტს კლუბთან და მან მოახერხა დიდი შთაბეჭდილების მოხდენა დევიდ მოიესზე, ასევე ის გახდა თვის საუკეთესო ფეხბურთელი. თუმცა ბრიუსელში დაბადებული ფეხბურთელი თვლის, რომ ეს მხოლოდ დასაწყისია და აპირებს გააკეთოს ყველაფერი იმისათვის, რომ გახდეს პლანეტის ერთ-ერთი საუკეთესო ფეხბურთელი.
Countdown to Kick-Off-სთან ინტერვიუში 18 წლის თავდამსხმელმა განაცხადა, რომ მისი მიზანია, "ოლდ ტრაფორდზე" წარმატების მოპოვება.
"ყოველთვის საჭიროა გააგრძელო წინსვლა და მუშაობა, თუ გინდა რომ გახდე უკეთესი. ჩემი მშობლები ყოველთვის მეუბნებოდნენ, რომ ბევრი მეშრომა მოედანზე და ყველანაირად მეცადა გავმხდარიყავი საუკეთესო ფეხბურთელი მსოფლიოში." - განაცხადა მან.
"ეს ფეხბურთია, აქ მნიშვნელობა არ აქვს ასაკს. თუ შენ საკმარისად კარგი ხარ, მაშინ ყოველთვის გექნება შანსი. ბოსმა მე შანსი მომცა, მას სჩვევია ახალგაზრდა ფეხბურთელების გამოცდა. ის ტოპ კლასის მწვრთნელია, მან ზუსტად იცის როგორ მოიქცეს ფეხბურთელებთან."
"მე მსურდა, რომ კონტრაქტი გამეფორმებინა 'მანჩესტერ იუნაიტედთან' - ეს ჩემი პირველი არჩევანი იყო. ახლა, მე ხელი მოვაწერე მათთან და ძალიან ბედნიერი ვარ. თუ შესაძლებლობა მექნება, რომ მთელი ცხოვრება 'მანჩესტერ იუნაიტედში' ვითამაშო, სიამოვნებით გავაკეთებ ამას კლუბისთვის."
"ჩემი მიზანი, ტიტულების მოგება და საუკეთესო ფეხბურთელად გახდომაა."
იანუზაის ჰქონდა ფანტასტიური დებიუტი, მან თავისი ორი გოლით გამარჯვება მოუტანა გუნდს "სანდერლედთან". ამის შემდეგ მისმა სახელმა მთელი მსოფლიო მოიარა და ის აღიარებს, რომ ამის შემდეგ მისი ცხოვრება რადიკალურად შეიცვალა, რადგან ახლა მას ქუჩაში ყველა ცნობს.
"მე მოვახერხე ორი გოლის გატანა დებიუტში, უკეთესს ვერც ვინატრებდი." განაცხადა მან. "ძალიან ბედნიერი ვიყავი, რომ მოვახერხე ორი გოლის გატანა და ვეცდები გავიტანო მეტი. ეს იყო ჩემი პირველი მატჩი, მე მომეცა შანსი და უნდა დამემტკიცებინა, რომ მაღალი დონის ფეხბურთელი ვარ."
"ასეთი მომენტის შემდეგ, შენი პირადი ცხოვრება ქრება. საჭიროა მსხვერპლის გაღება და ეს ადვილი არაა."