ცოტა ხნის წინ დასრულდა პრემიერ-ლიგის მე-13-ე ტურის ცენტრალური შეხვედრა, სადაც ერთმანეთს ლონდონის "ტოტენჰემი" და მოქმედი ჩემპიონი "მანჩესტერ იუნაიტედი" დაუპირისპირდნენ. "ტოტენჰემის" დამრიგებლისთვლის ეს მატჩი ძალზედ მნიშვნელოვანი გახლდათ, რადგანაც "სიტისთან" 6-0 წაგების შემდეგ ყველა დადებით შედეგს მოელოდა. სხვანაირი ატმოსფერო სუფევდა მეტოქის ბანაკში, სადაც "მანჩესტერელები" მეტოქეს კარგ ხასიათზე ხვდებოდნენ. გასულ კვირას მათ ჩემპიონთა ლიგის მატჩი ითამაშეს და "ლევერკუზენი" დამაჯერებლად დაამარცხეს. ყველა მოუთმენლად ელოდა ამ მატჩის დაწყებას და ზუსტად 4 საათზე ყველა ფეხბურთის ფანი ტელევიზორს მიეჯაჭვა. მატჩი "იუნაიტედის" უპირატესობით დაიწყო, თუმცა პირველი სახიფათო მომენტი სწორედ მათ კართან შეიქმნა. ამის შემდეგ ლონდონელებმა რამდენი კარგი შეტევის გახორციელება მოახერხეს. მე-18-ე წუთზე მორიგი შეტევის შედეგად "იუნაიტედის" საჯარიმოს მისადგომებთან დაიდო ძალზედ სახიფათო ჯარიმა, რომელიც ზუსტად შეასრულა კაილ უოკერმა, 1-0. "მანჩესტერმა" მხოლოდ 12 წუთის შემდეგ შეძლო პასუხის გაცემა. ჯონსის ჩაწოდების შემდეგ უეინ რუნიმ მცველების შეცდომით ისარგებლა და ანგარიში გაათანაბრა. პირველ ტაიმში საინტერესო აღარაფერი მოხდა. მეორე ტაიმის დაწყებიდან 10 წუთში ბრაზილიელმა სანდრომ ბრყწინვალე დარტყმით დალაშქრა მეტოქის კარი და თავისი გუნდი წინ გაიყვანა, 2-1. ზუსტად სამ წუთში კი უელბეკის წაქცევის შემდეგ მაიკ დინმა პენალტი დადო. რუნიმ ეს შანსი გამოიყენა და ანგარიში უკვე მეორედ გაათანაბრა. ამის შემდეგ გუნდებმა რამდენიმე სახიფატო მომენტი გაცვალეს, თუმცა გოლის გატანა ვეღარ შეძლეს. საბოლოოდ მატჩი ფრედ 2-2 დასრულდა. ბევრი ფიქრობს, რომ ამ მატჩმა "იუნაიტედის" ოცნებები ჩემპიონობის შესახებ დაამსხვრია, მაგრამ პირადად ჩემი აზრით ყველაფერი სხვაგვარადაა. სტუმრად "ტოტენჰემთან" თამაში ყოველთვის ძნელია, მითუმეტეს მაშინ როცა გუნდის ერთ-ერთი ლიდერის გარეშე გიწევს თამაში. სწორედ ამიტომ არამგონია, რომ დღეს ვაით ჰარტ ლეინზე "იუნაიტედისთვის" არასასურველი შედეგი დაფიქსირებულიყო. არ დაგვავიწყდეს ისიც, რომ გუნდმა უკვე გაინაღდა ჩემპიონთა ლიგის პლეი-ოფში გასლვა. აღსანიშნავია ისიც, რომ 12 მატჩია მოიესის შეგირდები არ მარცხდებიან. შემდეგი მატჩი "იუნაიტედს" "ევერტონთან" აქვს. რა თქმა უნდა ეს მატჩი ძალიან მნიშვნელოვანი იქნება "მანჩესტერის" მთავარი მწვრთნელისთვის და მარუან ფელაინისთვის. იმედი ვიქონიოთ, რომ იმ შეხვედრაში ჩვენი საყვარელი კლუბი მოახერხებს გამარჯვებას და კვლავ დაუბრუნდება საჩემპიონო რბოლას.