მას შემდეგ რაც მაიკლ კერიკმა ტრავმა მიიღო, "იუნაიტედის" ნახევარდაცვა კიდევ უფრო დასუსტდა. ახლა კი, როდესაც კერიკს მოუწევს რამდენიმე კვირის გამოტოვება, კლუბს დიდი გამოცდა ელის წინ. კვირას გამართულ შეხვედრაში, ანგარიშმა და ჩატარებული მატჩის ხარისხმა (კარდიფის წინააღმდეგ) ნათლად დაგვანახა ის პრობლემა, რომლის გამოსწორებაც დევიდ მოეისს უახლოეს ხანებში ევალება. ზაფხულის სატრანსფერო ფანჯრის ბოლო დღეს მან მარუან ფელაინი გადმოიბირა "ევეტონიდან", თუმცა ამ უკანასლნელმა გაცემული ავანსები ჯერ-ჯერობით ვერ გაამართლა.

"კარდიფ სიტის" წინააღდმეგ, დევიდ მოესმა ფელაინის ტომ ქლევერლი შეუწყვილა, ასე რომ ვთქვათ მორიგი "იმედგაცურება". ფეიაინის მსგავსად, ვერც ქლევერლი ამართლებს იმედებს და ეს ყველაფერი ზემოთ ხსენებულ მატჩიც ნათლად დავინახეთ, რაც საბოლოო ჯამში ანგარიშზეც აისახა (2-2). წლების მანძილზე, "იუნაიტედის" ნახევარდაცა ქვეყნის საუკეთესოდ მიიჩნეოდა. "წითელი ეშმაკუნები" მოედნის ცენტრში ყოველთვის დომინირებდნენ, მიუხედავად იმისა შინ იყო მატჩი გამართული თუ სტუმრად. სწორედ ამან მოუტანა გუნდს დიდი წარმატება და სახელი. მაგრამ დღევანდელი "იუნატედის" ნახევარდაცვას დადებითს ვერაფერს მოვუძებნით. ამ მხრივ ახლანდელი მწვრთნელის, დევიდ მოესის დადანაშაულებაც შეიძლება. მან ფელაინი გაიფორმა, იმის მიუხედავად, რომ გუნდში არის გამოცდილი მაიკლ კერიკი, რომელიც მშვენივრად ართმევს თავს დაკისრებულ მოვალეობას, იბრძვის ბურთისთვის, ამოაქვს "სიღრმიდან" და მოედნის სხვა მიმართულებით გზავნის მას. "იუნაიტედს" სწორედ კერიკის ღირსეული მეწყვილე სჭირდება, რომელიც იქნება ამოუწურავი ენერგიით და შეძლებს მაიკლთან პასებით ფონს გასვლას.

ამჟამად დევიდ მოიესის განკარგულებაშია ორი შემტევი ნახევარმცველი - ქლევერლი და ანდერსონი, რომლებიც რბილად რომ ვთქვათ, ვერ ეწყობიან გუნდს.

"კარდიფის" წინააღმდეგ ქლევერლიმ ვერ მოიგო ვერცერთი მეორე სართულის თუ ვარდნის დუელი. იგი ასევე ექვსჯერ დაჯარიმდა და საერთო დუელებში მხოლოდ 29%-ში დარჩა გამარჯვებული. ეს გვაძლევს საბაბს, ვიქიროთ იმაზე, თუ რა ბედი ეწევა "იუნაიტედს" თუ იგი დიდ გუნდებს დაუპირისპიდება. რა ბედი ეწევა გუნდს, თუ "იუნაიტედი" მიუნჰენის "ბაიერნს" შეხვდება ჩემპიონთა ლიგის მატჩში და ქლევერლი ძირითად შემადგნელობაში დაიწყებს თამაშს ? ალბათ დიდი ხნის მანძილზე ფიქრი არ დაგჭირდებათ და პასუხს თავად გასცემთ ამ შეკითხვას, მიუხედავად იმისა რომელი გუნდის გულშემატკივარიც ბრძანდებით.

მოდით, ერთად განვიხილოთ "კარდიფის" წინააღმდეგ გამართულ შეხვედრას და თვალი გადავავლოთ მარუან ფელაინისა და ტომ ქლევერლის სტატისტიკას ამ მატჩში.

ფელაინიმ "დუელების" 50% მოიგო, თუმცა ქლევერლის მსგავსად ბევრჯერ დაჯარიმდა, რაც საშუალებას გვაძლევს ვთქვათ, რომ მისგან უფრო მეტს ელის გულშემატკივარი და მომავალში სტატისტიკის გამოსწორება მართებს.

მოგეხსენებათ რომ თანამედროვე ფეხბურთში პასი უმნიშვნელოვანესი ასპექტია. გასულ მატჩში კი, ფელაინის და ქლევერლის დუეტმა (შესაბამისად) 82% და 79% ზუსტი გადაცემა გააკეთა. მიუხედავად იმისა, რომ "იუნაიტედი" მთელი მატჩის განმავლობაში დომინირებდა, მათ ევალებოდათ ბურთის შენარჩუნება და შეტევაში ჩართვა. საბოლოო ჯამში კი მივიღეთ სურათი, სადაც ჩანს რომ, მთელი მატჩის განმავლობაში არცერთი მათგანი არ ჩართულა შეტევაში. მეტიც, მათ ვერ შეძლეს ვერცერთი საკვანძო გადაცემის შესრულება.

ქვემოთ მოცემულ "რუქაზე", სადაც "კარდიფ სიტის" და "იუნაიტედის" შეხვედრის სტატისტიკაა ასახული, თქვენ ხედავთ, რომ დროის უმეტეს ნაწილს ქლევერლი საკუთარ მოედანზე ატარებდა,
იმის მიუხედავად რომ იგი შემტევი ნახევარმცველია და ევალება მეტოქის ნახევარზე აქტიურად თამაში.

ანალოგიურად მოქმედებდა მარუან ფელაინი, თუმცა მისი "დანაშაული" უფრო მსუბუქად შეიძლება აღიქვას გულშემატკივარმა, რადგან იგი ასრულებდა თავის პოზიციის შესაბამის სამუშაოს. თუმცა, აღსანიშნავია რომ ბელგიელიც არ გამოირჩეოდა შეტევაში აქტიურობით.


ფელაინის და ქლევერლის პასების ხარისხი დაწვრილებით განხილვა არსებულ პრობლემას უფრო ნათლად წარმოგვიჩენს. ქლევერლიმ 38 გადაცემიდან 30 შეასრულა ზუსტად, მაგრამ აქ აღსანიშნავი არაფერია. მეტიც, მან მხოლოდ 10 გადაცემა შეასრულა ზუსტად მეტოქის ნახევარზე.


ფელაინიმ ამ მხრივ უკეთესი შთაბეჭდილება დატოვა. მან 50 გადაცემიდან 41 ზუსტად შეასრულა. ბელგიელს ევალებოდა მხოლოდ ბურთის დაჭერა და თანაგუნდელებისთვის მარტივი გადაცემების გაკეთება, რაც მან წარმატებით შეასრულა.


პრობლემა, რომელიც "იუნაიტედს" ნახევარდაცვაში გააჩნია მხოლოდ "კარდიფთან" მატჩში არ გამოჩენილა. გუნდს აშკარად დააკლდება მაიკლ ქერიქის არყოფნა, თუმცა ისიც უნდა ავღნიშნოთ რომ, დევიდ მოიესი ვალდებულია გაიფორმოს ერთი ტოპ კლასის შემტევი ნახევარმცველი. წინააღმდეგ შემთხვევაში "წითელი ეშმაკუნები" სულ მალე პრემიერ ლიგის ტიტულისთვის ბრძოლაზე ფიქრს თავს დაანებებენ.

წყარო: EuroSport