გავრცელებული ხმების მიხედვით, "მანჩესტერ იუნაიტედის" ვინგერისთვის, უილფრიდ ზაჰასთვის ხუთი "პრემიერ ლიგის" გუნდი იბრძოლებს.

21 წლის ინგლისელი უკვე დაუკავშირეს "ნიუკასლს", სადაც ის შეძლებს სათამაშო დროის მიღებას, რაც "იუნაიტედში" აკლია. თუმცა ცნობილი გახდა, რომ ალან პარდიუსთან ერთად მისთვის კიდევ 4 ინგლისის უამღლესი დივიზიონის გუნდი იბრძოლებს.

The Sun-ის ინფორმაციით ინგლისის 21 წლის ნახევარმცველისთვის იბრძოლებენ "სუონსი", "ასტონ ვილა", "ვესტ ბრომვიჩი" და "კარდიფი".

უილფრიდ ზაჰა გახდა ფერგიუსონის ბოლო ტრანსფერი, ის "იუნაიტედმა" გასულ ზამთარში შეიძინა 12 მილიონ ფუნტად და არენდის წესით ნახევარი სეზონი დაჰყო "კრისტ პალასში".

მან შესანიშნავად იასპარეზა "ჩემპიონშიფში" და დაეხმარა "კრისტალ პალასს" "პრემიერ ლიგაში" გადმოსასვლაში. მისი დებიუტი წითელი მაისურით შედგა აგვისტოში "სუპერ თასის" მატჩში. თუმცა ამის შემდეგ მან მხოლო ერთხელ მოახერხა "იუნაიტედის" შემადგენლობაში მოხვედრა, "ლიგის თასის" მატჩში "ნორვიჩის" წინააღმდეგ.

"წითელი ეშმაკების" მენეჯერმა განაცხადა, რომ ზაჰა ჯერ არაა მზად ძირითად გუნდში რეგულარულად გამოსასვლელად, რაც კიდევ უფრო ზრდის მისი არენდით გაშვების ალბათობას.

ახალგაზრდა ვინგერმა მოახერხა რამდენიმე მატჩის ჩატარება გარეთ საუზგეითის გაწვრთნილ 21-წლამდელთა ნაკრებში. აღსანიშნავია, რომ მან გადამწყვეტი როლი ითამაშა ფინეთთან მატჩში, რომელიც ინგლისელთა გამარჯვებით, 3-0 დასრულდა.

წყარო: Mirrors.co.uk