"ოქროს ბურთის" მისაღებად ერთი "იუნაიტედის" ფეხბურთელი იბრძოლებს.
ვან პერსი ნომინირებულია "ფიფას ოქროს ბურთის" ჯილდოზე, რომელიც პლანეტის საუკეთესო ფეხბურთელს გადაეცემა.
ჰოლანდიელი, რომლის გოლებიც გადამწყვეტი აღმოჩნდა საჩემპიონო სეზონში, მოხვდა 23 კაციან განაცხადში, რომელიც დღეს დილით გამოქვეყნდა. გამარჯვებული კი გამოვლინდება 13 იანვარს, ციურიხში.
ვან პერსისთან ერთად მოხვდა რამდენიმე "პრემიერ ლიგის" ფეხბურთელი: იაია ტურე (მანჩესტერ სიტი), ლუის სუარეზი (ლივერპული), ედენ აზარი (ჩელსი) და "არსენალის" ახალწვეული მესუთ იოზილი.
ფავორიტთა სიაში არიან "მანჩესტერ იუნაიტედის" ყოფილი ფეხბურთელი კრიშტიანო რონალდო, ევროპის საუკეთესო ფეხბურთელი ფრენკ რიბერი და ლიონელ მესი, რომელმაც ბოლო 4 ოქროს ბურთი აიღო.
"იუნაიტედის" ყოფილი მწვრთნელი სერ ალექს ფერგიუსონი, ასევე იმყოფება საუკეთესო მწვრთნელთა 10 კაციან ჩამონათვალში ჯოზე მაურინიოსთან, კარლო ანჩელოტთან და ვინსენტე დელ ბოსკესთან ერთად.
"ოქროს ბურთის" კანდიდატთა სრული სია კი ასე გამოიყურება: გარეთ ბეილი, ფილიპ ლამი, ტომას მიულერი, მანუელ ნოიერი, ბასტიან შვაინშტაიგერი, მესუთ იოზილი,
რობინ ვან პერსი, არიენ რობენი, ედისონ კავანი, ლუის სუარეზი, ანდრეს ინიესტა, ხავი, ნეიმარი, ტიაგო სილვა, რადამელ ფალკაო, ანდრეა პირლო, ფრენკ რიბერი, კრიშტიანო რონალდო, ედენ აზარი, ზლატან იბრაჰიმოვიჩი, რობერტ ლევანდონსკი, ლიონელ მესი, იაია ტურე.
წყარო:
ManUtd.com