მაიკლ ფელანი თვლის რომ, იმ შემთხვევაში თუ სერ ალექს ფერგიუსონი არ დატოვებდა "ოლდ ტრაფორდს", გუნდს ყველანაირი შანსი ჰქონდა გაეფორმებინა ტოპ კლასის ფეხბურთელი. დამატებითი დაბრკოლება იყო კლუბის აღმასრულებელი დირექტორის, დევიდ გილის წასვლა. ყველა ამ ცვლილებამ ხელი შეუშალა კლუბის სატრანსფერო გეგმებს, ამიტომ ერთადერთი ფეხბურთელი, რომელიც "წითელ ეშმაკებს" შეუერთდა, გახდა მარუან ფელაინი.
ფელანმა, რომელმაც ასევე დატოვა თავისი პოსტი, განაცხადა რომ "იუნაიტედმა" გაუშვა თავისი შანსი, რადგან მოიესმა ვერ მოახერხა თავისი წინამორბედების დაწყებული საქმის დასრულება.
"სერ ალექს ფერგიუსონი და დევიდ გილი ისევ მმართველობაში რომ ყოფილიყვნენ, კლუბი ვარსკვლავს გაიფორმებდა. სახელს არ დავასახელებ, თუმცა ეს იყო მსოფლიოს ერთ-ერთი საუკეთესო ფეხბურთელი."-განაცხადა ფელანმა. "ბოსმა განიხილა ეს საკითხი და კლუბების მფლობელები შეთანხმებულები იყვნენ ფასზე. ასეთი ფეხბურთელები მსოფლიოში ცოტაა. მგონი, ყველა მიხვდება ვიზეა ლაპარაკი. ჩვენ არ ვაპირებდით კლუბში სერიოზული ცვლილებების განხორციელებას, ამიტომ მე და სერ ალექსი ერთ სერიოზულ ტრანსფერს ვაპირებდით. ერთ ტოპ ფეხბურთელს შეუძლია მთელი გუნდის მოტივაცია და ეს კარგად ვნახეთ რობინ ვან პერსის შემთხვევაში."
ფელანმა კომენტარი გააკეთა მას შემდეგ, რაც სერ ალექსმა თავის ავტობიოგრაფიულ წიგნში გამოაქვეყნა, რომ სამი წლის წინ უეინ რუნიმ შოტლანდიელ სპეციალისტს შესთავაზა მესუთ იოზილის ყიდვა. ფერგიუსონმა დააიგნორა ფორვარდის რჩევა და განაცხადა:"ჩვენ არ ვაპირებდით ოზილის ყიდვას. თავის დროზე მე ვესაუბრე ამის შესახებ უეინს. იმ ზაფხულს ჩვენ ვიყიდეთ ჩიჩარიტო. მაშინ ვგეგმავდი რუნი-ჩიჩარიტოს დუეტის ჩამოყალიბებას. მათ არც ისე ცუდი პერსპექტივა ჰქონდათ. "ვერდერში" იოზილი თამაშობდა მარჯვენა ფლანგზე, შემდეგ ის თავდამსხმლის უკან გადაიყვანეს. ჩვენ არ გვჭირდებოდა ესეთი ფეხბურთელი და უეინს ვუთხარი, რომ ფეხბურთელების გაფორმების საკითხს მე თვითონ განვიხილავდი. ჩვენ საკმაოდ კარგი ფეხბურთელები გვყავდა."