მანჩესტერ იუნაიტედის მთავარმა მწვრთნელმა, დევიდ მოიესმა განაცხადა, რომ უეინ რუნის შეუძლია სერ ბობი ჩარლტონის ჩამოტოვება და იგი გახდება კლუბის ისტორიაში საუკეთესო ბომბარდირი.
"თუ უეინ რუნი სეზონს სერიოზული ტრავმების გარეშე ჩაატარებს, ჩარლტონის რეკორდს იგი აუცილებლად გააუმჯობესებს. თუ იგი განაგრძობს ახლანდელივით კარგ თამაშს, მას მნიშვნელოვნად დაეხმარება ეს ყველაფერი სტატისტიკური მონაცემების გაუმჯობესებაში და ის უფრო ახლოს იქნება სასურველი ნიშნის შესრულებამდე.
რუნი ამ სეზონში მნიშვნელოვან როლს თამაშობს, როგორც ნაკრებში ასევე კლუბში. ის მშვენივრად ართმევს თავს დაკისრებულ მოვალეობებს. იმედი მაქვს, რომ რუნი შეძლებს რეკორდის გაუმჯობესებას, ეს იქნება წარმოუდგენელი მიღწევა.
სერ ბობი ჩარლტონის რეკორდი და მისი თამაში ყველას ახსოვს. რუნის აქვს იმის შანსი, უნარი და მიზანდასახულობა, რომ ეს რეკორდიც გააუმჯობესოს. რუნი გახდება ფეხბურთელი, რომლის რეკორდიც ყველას ემახსოვრება, რომელმაც მიაღწია ლეგენდების დიად გზას."-დაასრულა დევიდ მოიესმა.
უეინ რუნის 202გოლი აქვს გატანილი, რეკორდის მოსახსნელად კი საჭიროა 48გოლიც.