ახალი არ გახლავთ ის ფაქტი, რომ რონალდოს "ოლდ ტრაფორდზე" დაბრუნება ყველა "წითელის" ოცნებაა. მაგრამ გეგმები ჩაიშალა და პორტუგალიელმა ვარსკვლავმა "რეალთან" ახალ კონტრაქტს მოაწერა ხელი. რისი მიხედვითაც იგი ესპანეთში 2018 წლამდე დარჩება და წლიურად 17 მილიონს მიიღებს.
წინა კონტრაქტი რონალდოს 2 წელიწადში უმთავრდებოდა და სავარაუდოდ მას უელსელი გარეთ ბეილი ჩაანაცვლებდა. თუმცა "ტოტენჰემის" ყოფილი ვარსკვლავი ტიტულების მოგებას რონისთან ერთად ეცდება. კრიშტიანომ ნათლად განაცხადა, რომ "იუნაიტედი" მისი წარსულია.
"გულწრფელი ვიქნები, ყველამ კარგად იცის, რომ "იუნაიტედში" 6 წელი ვასპარეზობდი. მაგრამ ინგლისი ჩემი წარსულია"._განაცხადა რონალდომ. "დიდი მადლობა ყველა იმ კლუბს რომელიც ჩემით ინტერესდებოდა, მაგრამ ჩემი გადაწყვეტილება ნათელია. აქ რამდენიმე წელი კიდევ ვიქნები, შეიძლება კარიერა აქაც დავასრულო. არავინ იცის რა მოხდება მომავალში".
მაგრამ თუ რონალდო წარსულია, "იუნაიტედის" გულშემატკივრებისთვის ადნან იანუზაი მომავალია. ბელგიელის დებიუტი "ოლდ ტრაფორდზე" "კრისტალ პალასთან" მატჩში შედგა, სწორედ იმ დროს როდესაც 50 წლის წინ ჯორჯ ბესტმა პირველად მოირგო "იუნაიტედის" ფორმა. ადნანმა მოედანზე მხოლოდ 28 წუთი დაყო, თუმცა მოიესი მისით კმაყოფილია.
"ადნანის დებიუტი ვადაზე ადრე შედგა. პრემიერ ლიგაში თამაში რთულია, თუმცა ახალგაზრდა ბიჭმა სირთულეებს თავი კარგად გაართვა. იანუზაი ძალიან სწრაფად განაგრძობს პროგრესს"._განაცხადა მოიესმა.
18 წლის იანუზაი უკვე კარგი ფეხბურთელია, თუმცა მასში დიდი პოტენციალია. სწორედ ამიტომ იგი ერთ დღეს აუცილებლად გახდება უდიდესი ფეხბურთელი.
ამ სტატიაში ძალიან ცოტა ვისაუბრეთ "კრისტალ პალასთან" მატჩზე. მართალია გამოსარჩევი არაფერი ყოფილა, მაგრამ აუცილებლად უნდა ავღნიშნოთ ის ფაქტი, რომ მოიესი იანგით განაწყენებულია. ინგლისელმა გარემარბმა მეტოქის საჯარიმოში სიმულაციას მიმართა, რის გამოც მკაცრ შენიშვნას მიიღებს.
"მე ხშირად ვამბობ, რომ არ მიყვარს სიმულაცია და არ მინდა ეს ჩემმა ფეხბურთელებმა გამოიყენონ. სწორედ ამიტომ ეშლი იანგს დაველაპარაკები"._განაცხადა შოტლანდიელმა.