გასულ წელს სერ ალექს ფერგიუსონმა "დორტმუნდიდან" შეიძინა იაპონელი ტანალტი - შინჯი კაგავა, თუმცა დევიდ მოიესის გუნდში მოსვლის შემდეგ მას სულ უფრო და უფრო ცოტა დრო ეძლევა თავის გამოსაჩენად. ამ უკანასკნელმა მხოლოდ 7 წუთი დაჰყო მოედანზე, როდესაც შეცვლაზე შემოვიდა Community Shield-ის ფინალში, უიგანის წინანააღმდეგ.
"სანაკრებო შესვენებისას" იაპონიის ნაკრები განას დაუპირისპირდა (3-1) და ამ მატჩში შინჯიმ თავის გამოჩენაც შეძლო. სწორედ ამ ფაქტმა უბიძგა მას რომ გამოეთქვა უკმაყოფილება სათამაშო დროის არქონასთან დაკავშირებით.
"გთხოვთ, ჰკითხეთ მოიესს რატომ არ ვიყავი ლივერპულთან განაცხადშიც კი"
"საწყენია, როდესაც თამაშის საშუალება არ გეძლევა, მაგრამ ასეთი გოლის გატანის შემდეგ მე თავდაჯერებულობა დამიბრუნდა და ყველანაირად ვეცდები გუნდში ადგილის დამკვიდრებას და სიტუაციის უკეთესისკენ შეცვლას"
"ხანდახან იმედგაცრუება ძალიან რთული გადასატანია, ხანდახან ადვილი, მაგრამ მე ამ გატანილ გოლმა სტიმული მომცა რომ თავი კარგად ვიგრძნო. ასე რომ მე ისღა დამრჩენია გავაგრძელო თავდაუზოგავად მუშაობა და გამოვიყენო ჩემი შანსი. როდესაც ისევ შევუერთდები კლუბს მე აუცილებლად შევეცდები გამოვიჩინო თავი პრემიერ ლიგასა და ჩემპიონთა ლიგაზე. მე მჯერა რომ ეს ყველაფერი მალე აუცილებლად მოხდება!" - განაცხადა კაგავამ AFP news agency-სთან ინტერვიუში.