სანაკრებო პაუზა ფეხბურთის მოყვარულთათვის ყოველთვის მოსაწყენია, რადგან ეს ფაქტი აფერხებს სხვა და სხვა ქვეყნების ჩემპიონატების მიმდინარეობას. სწორედ ამიტომ გადავწყვიტე ჩვენი საიტის მომხმარებლებისათვის ეს მოსაწყენი პერიოდი ცოტათი გამამრავალფეროვნებინა და შევქმენი სტატიების სერია ხავიერ ერნანდესზე.
2010 წლის გაზაფხულის ერთ მშვენიერ დღეს, 8 აპრილს, "მანჩესტერ იუნაიტედის" ოფიციალურმა საიტმა ყველასათვის მოულოდნელად განცხადება გააკეთა მექსიკელი ხავიერ ერნანდესის შეძენის თაობაზე. ეს სახელი და გვარი ყველასათვის უცნობი იყო, არადა ერნანდესი მაშინ 22 წლის გახლდათ და მთელ მსოფლიოს უკვირდა სერ ალექსის ეს უცნაური შენაძენი. ჟურნალები წერდნენ, რომ "იუნაიტედმა" მორიგი შესაძლო წარუმატებელი ტრანსფერი განახორციელა, რადგან წამოუდგენელია 22 წლის ფეხბურთელი "მანჩესტერის" დონეზე თამაშობდეს და მასზე არაფერი იყოს ცნობილიო. სწორედ ამ დღის შემდეგ მთელი მსოფლიო პრესის ყურადღება ხავერ ერნანდეს ბალკაზარზე გადავიდა. პრესა აკვირდებოდა მექსიკელის თამაშს და ნელ-ნელა სტატიის სახელებიც იცვლებოდა. კონტრაქტის გაფორმებიდან ერთი თვის შემდეგ პრესა წერდა : "იუნაიტედის შენაძენი შესაძლოა წარმატებული აღმოჩნდეს." რამდენიმე თვის შემდეგ კი ბრიტანული პრესის ყდებზე იბეჭდებოდა ხავიერის ფოტოები წარწერით - "სერ ალექსის მორიგი სასწაული".
ხავიერ ერნანდესი "იუნაიტედში" 8 აპრილს ჩაირიცხა, თუმცა მისი ოფიციალურად "გაეშმაკება" პირველი ივლისიდან იყო შესაძლებელი. ძალიან ბევრი ექსპერტი თვლიდა, რომ "წითლებმა" ნაჩქარები გადაწყვეტილება მიიღეს. მათი აზრით, "იუნაიტედს" უნდა გაეგრძელებინა მასზე დაკვირვება და სატრანსფერო ფანრჯის გახსნის შემდეგ გაეფორმებინა ის. ჩიჩარიტოს სერიოზული გამოცდა ელოდა 2010 წელს სამხრეთ აფრიკაში მსოფლიო ჩემპიონატზე და თუ ის აფრიკაში თავის გამოჩენას შეძლებდა, ექსპერტების აზრით მხოლოდ ამის შემდეგ უნდა მიეღო ალექს ფერგიუსონს მისი შეძენის გადაწყვეტილება. იბადება კითხვა - არსებობს ვინმე სერ ალექსზე უფრო დიდი ექსპერტი ფეხბურთში? ამ კითხვაზე პასუხი ფაქტებმა გასცეს. ხავიერ ერნანდესი ჩავიდა მსოფლიო ჩემპიონატზე მექსიკის ნაკრებთან ერთად და ყველასთვის გასაკვირად ოთხი გოლის გატანა შეძლო. 4-ჯერ მეტი ვიდრე სხვა "მანჩესტერის" ფეხბურთელებმა. ის გახდა ერთადერთი მანჩესტერელი ფეხბურთელი, რომელმაც 2010 წლის მსოფლიო ჩემპიონატზე მოახერხა გოლის გატანა.
ბოლოს და ბოლოს ჟურნალებმა, ექსპერტებმა და საფეხბურთო კომენტატორებმა გამოიტანეს დასკვნა და განაცხადეს, რომ ისინი ცდებოდნენ, როცა ხავიერ ერნანდესის შესაძლებლობებში ეჭვი შეიტანეს და ასევე ხაზი გაუსვეს სერ ალექსის ძალიან ჭკვიანურ გათვლას. საქმე იმაშია, რომ სერ ალექს ფერგიუსონს ხავიერ ერნანდესი აპრილში რომ არ გაეფორმებინა და სატრანსფერო ფანჯრის გახსნას დალოდება, რომელიც მსოფლიო ჩემპიონატის დასრულებამდე რამდენიმე დღით ადრე იხსნებოდა, ძალიან გაუჭირდებოდა ერნანდესის ხელში ჩაგდება. რატომ? - პასუხი ძალიან მარტივია. ხავიერმა იმდენად შთამბეჭდავად შეძლო საკუთარი თავის წარმოჩენა, რომ ძალიან ბევრი გრანდის ყურადღებას მიიპყრობდა "მანჩესტერს" თადარიგი რომ არ დაეკავებინა. ასე და ამრიგად, მექსიკური "ჩივას გვადალახარას" ვარკსვლავი "მანჩესტერ იუნაიტედის" ფეხბურთელი გახდა.
"მანჩესტერში" საბოლოო გადმობარგების შემდეგ გაირკვა, რომ ხავიერ ერნანდესი 14 ნომრიანი მაისურით იასპარეზებდა "წითლებში". ძალიან დიდი ყურადღება მიიქცია მექსიკელის ნომრის ზემოთ არსებულმა წარწერამ, სადაც ერნანდესის ნაცვლად "ჩიჩარიტო" ეწერა. როგორც მოგვიანებით გაირკვა, ჩიჩარიტო ხავიერის ზედმეტსახელია, რომელიც "პატარა ბარდას მარცვალს" ნიშნავს.
ჩიჩარიტომ "მანჩესტერში" პირველი მატჩი 28 ივლისს, ამერიკულ ტურნეში ჩაატარა და პირველი გოლიც გაიტანა. მე არ მინდა ამ სტატიაში ჩიჩარიტოს სტატისტიკურ მონაცემებზე ვისაუბრო. ჩემთვის უფრო სასიამოვნო იქნება გავიხსენო ის მატჩები, რომლებითაც ერნანდესმა პირადად მე და დარწმუნებული ვარ ბევრ თქვენგანსაც თავი შეაყვარა.
1) 2010 წლის 8 აგვისტოს ჩიჩარიტომ ჩაატარა პირველი ოფიციალური მატჩი "იუნაიტედის" შემადგენლობაში. მისი დებიუტი განსაკუთრებული გამოწვევა იყო ახალგაზრდა მექსიკელისთვის, რადგან მას უწევდა ლონდონის "ჩელსის" წინააღმდეგ თამაში ქომუნითი შილდის ფინალში. ჩიჩარიტომ ამ მატჩშიც დაამტკიცა, რომ მისი შეძენა შეცდომა არ იყო და პირველივე ოფიციალურ თამაშში გაიტანა გოლი. ეს გოლი ცოტა კურიოზულიც კი იყო, რადგან მექსიკელმა ძალიან უცნაურად გაიტანა. ანტონიო ვალენსიას პასის შემდეგ ჩიჩარიტომ ფეხით სცადა გოლის გატანა, მაგრამ საბოლოოდ თავით გაიტანა.
2) 2010 წლის 29 სექტემბერს ჩიჩარიტოს დებიუტი შედგა ჩემპიონთა ლიგაზე ვალენსიას წინააღმდეგ ესპანეთში. ამ მატჩში ერნანდესმა ერთადერთი გოლი გაიტანა 85 წუთზე. მისი გოლის წყალობით "იუანიტედმა" ვალენსია 0:1 დაამარცხა. კიკო მაკედას საგოლე პასის შემდეგ, ერნანდესმა ყველაფერი უმაღლეს დონეზე შეასრულა და "ღამურებს" გაუტანა.
3) ალბათ ყველას გვახსოვს ჩიჩარიტოს უცნაური თაური სტოკ სიტისთან. მექსიკელმა ამ მატჩში თავი ბოლომდე გამოიჩინა. მან შეძლო 2 გოლის გატანა, რომლის წაყლობითაც მანჩესტერმა სტოკი 2:1 დაამრცხა. მისი მექსიკური თაური დიდხანს ემახსოვრებათ მანჩესტერის გულშემატკივრებს.
4) ჩიჩარიტო ნელ-ნელა გუნდის გოლების მანქანა გახდა. "იუნაიტედი" ქარლინგ ქაფის გათამაშებაში "ვულვერჰემპტონს" შეხვდა, სადაც 90-ე წუთამდე "იუნაიტედი" ვერ იგებდა მატჩს. 2:2 იყო, როდესაც ჩიჩარიტო უნიკალური შესრულებით უკანასკნელ წუთზე გოლის გაანა მოახერხა და "იუნიატედს" გამარჯვება მოუტანა.
5) 25 იანვარს "მანჩესტერმა" "ბლეკპულს" უმასპინძლა. მატჩი "წითელი ეშმაკებისთვის" საშინლად დაიწყო. "იუნაიტედი" 0:2 აგებდა, მაგრამ ბერბატოვმა სხვაობა მინიმუმამდე შეამცირა. ამ მძიმე ჟამს სერ ალექსმა გადაწყვიტა მოედნიდან უეინ რუნი გაეყვანა და ჩიჩარიტო შემოეყვანა. შეცვლამ გაამართლა. მატჩის 74 წუთზე ხავიერ ერნანდესმა გოლი გაიტანა და ანგარიში გაათანაბრა. ამ მატჩის შემდეგ მთელმა მსოფლიოს "ოქროს შეცვლა" დაარქვა მექსიკელ ფორვარდს.
6) ხავიერ ერნანდესის თამაში ყველას აოცებდა. მისი მოძრაობა გასაოცარი იყო. ის ყოველთვის იყო იქ, სადაც უნდა ყოფილიყო. ჩიჩარიტომ "უიგანთან" არაჩვეულებრივი გოლი გატანა რუნის პასის შემდეგ. ამ გოლის წყალობით "იუნაიტედმა" 73-ე წუთზე გამარჯვების გოლის გატანა შეძლო.
7) ჩიჩარიტომ ლიგაზეც მშვენივრად იასპარეზა. მან მერვედ ფინალში შეძლო "მარსელის" წინააღმდეგ ორი გოლის გატანა. ეს გოლები "უნაიტედს" ძალიან დაეხმარა მეოთხედ ფინალში გასასვლელად. ერნანდესმა "იუნაიტედის" შემადგენლობასი პირველივე სეზონში დაიმკვიდრა თავი.
8) ჩიჩარიტო განაგრძობდა ჩემპიონთა ლიგაზე გოლების გატანას. ამჟამად მექსიკელმა ფორვარდმა მეოთხედ ფინალში ლონდონის "ჩელსის" გაუტანა უმნისვნელოვანესი გოლი. ამ გოლის წყალობით "იუნაიტედმა" დიდი უპირატესობა მოიპოვა და "ჩელსი" ორი მატჩის ჯამში 3:1 დაამარცხა.
9) მორიგი გამარჯვება ჩიჩარიტომ "იუნაიტედს" 24 აპრილს "ევერტონის" წინააღმდეგ მოუტანა. "ევერტონი" იმ მატჩში დიდ წინააღდმეგობას უწევდა "იუნაიტედს" და გოლის გატანის საშუალებას არ აძლევდა. 83-ე წუთზე ერნანდესმა ურთულესი თაური დარტყმით გაიტანა გოლი და გამარჯვება მოუტანა "იუნაიტედს".
10) ყველა მიეჩვია იმ ფაქტს, რომ ჩიჩარიტო ყველა საგოლე მომენტს გოლად გარდაქმნის. აბსოლუტურად ყველა კლუბმა დაიწყო ზრუნვა მექსიკელის გასაჩერებლად, რადგან ის უკვე დიდ საფრთხეს წარმოადგენდა მოწინააღმდეგებისთვის. 2010-11 წლის სეზონში ჩიჩარიტოს "ჩელსისთვის" 2 გოლი ჰქონდა გატანილი. მესამე გოლი, რომელიც "ჩელსის" გაუტანა იმ სეზონის ყველაზე სწრაფ გოლად დასახელდა. 36-ე წამზე ჩიჩარიტომ ანგარიში გახსნა. ამ დღიდან ჩიჩარიტო "ჩელსის" კოშმარად იქცა.
მე ჩამოვთვალე ათი გოლი, რომლითაც ჩიჩარიტომ "იუნაიტედის" ფანებს პირველივე სეზონში თავი შეაყვარა. სადებიუტო წელს ჩიჩარიტომ 20 გოლის გატანა შეძლო. წარმოგიდგენთ 2010-11 წლის სეზონის ოცივე გოლს.