2003 წლის ზაფხული "მანჩესტერისთვის" წარუმატებლად დაიწყო, გუნდი დატოვა დევიდ ბექემმა. ინგლისელი ვარსკვლავი ესპანურ გრანდში, "რეალში" გადაბარგდა. სერ ალექს ზაფხულში რონალდინიოს ყიდვა სურდა, თუმცა ბრაზილიელმა "ბარსელონა" აირჩია.

სწორედ ამ მიზეზით შოტლანდიელს უნდა გაეფორმებინა ახალი ვარსკვლავი რომელიც გუნდში არსებულ პრობლემებს მოაგვარებდა. სერ ალექსმა საბოლოოდ 18 წლის კრიშტიანო რონალდო, 12 მილიონ ფუნტად გაიფორა. იგი ინგლისში პორტუგალიიდან გადაბარგდა. სწორედ აქედან იწყება ახალი ერა, რომელიც კრიშტიანომ და სერ ალექსმა შექმნეს.



სერ ალექსმა რონალდოს ტრანსფერზე განაცხადა: "ჩვენ არ გვინდოდა რონალდო სწრაფად გაგვეფორმებინა, მაგრამ ცნობილი გახდა, რომ მისით სხვა კლუბებიც ინტერესდებოდნენ. სწორედ ამიტომ შევიძინეთ ასე სწრაფად იგი".

"რონალდო ძალიან ნიჭიერი ფეხბურთელია. მას ორივე ფეხით შეუძლია თამაში. კრიშტიანო ორივე ფლანგზე საშიშია, ისევე როგორც ნახევარდაცვის ცენტრიდან. იგი ყველაზე საინტერესო ახალგაზრდაა რომელიც კი აქამდე მინახავს".

"იუნაიტედის" ახალმა შვიდიანმა თავი მალევე წარმოაჩინა. მას "ბოლტონთან" 30 წუთი მიეცა, ამ დროში მან ყველა გააოცა. პირველ სეზონში რონალდომ 6 გოლი გაიტანა, თავი გამოიჩინა FA CUP_ის ფინალში, სადაც ერთმანეთს "მანჩესტერი" და "მილოული" ხვდებოდნენ.




2006-2007 სეზონში რონალდომ უკვე თავისი ძალების ბოლომდე წარმოჩენა დაიწყო. სოწრედ ამ წლებიდან იწყება მისი მსოფლიოს საუკეთესო ფეხბურთელად ქცევა. მსოფლიო ჩემპიონატის შემდეგ ჭორები ვრცელდებოდა, რომ რონი გუნდს დატოვებდა. მიზეზი კი რუნისთან კონფლიქტი იყო. პორტუგალიელი ვარჯიშებზე ვერ მიდიოდა, რადგან უეინის ეშინოდა. საბოლოოდ მათი შერიგება სერ ალექსმა შეძლო.

ამ სეზონში კრიშტიანო რონალდო 23 გოლი გაიტანა. შეძლო და "იუნაიტედი" ლიგის ნახევარ ფინალამდე გაიყვანა. რაც მთავარია ამ წელს "მანჩსტერ იუნაიტედმა" "ჩელსს" პრემიერ ლიგის ტიტული წაართვა.



42 გოლი მომდევნო სეზონში, ეს უბრალოდ შეუდარებელი იყო. 2007/08 წლების სეზონში "მანჩესტერ იუნაიტედი" ჩემპიონთა ლიგის ფინალში გავიდა, სადაც პრინციპულ მეტოქეს, "ჩელსის" შეხვდა. მატჩი 1-1 დამთავრდა და ყველასთვის ცუდი, პენალტების სერია დაიწყო. ყველაფერი კარგად მიდიოდა მაგრამ რონალდომ 11 მეტრიანი ვერ გაიტანა, მას ჩეხმა აჯობა. ამის შემდეგ ყველაფერი ტერიზე იყო დამოკიდებული, თუ გაიტანდა მისი გუნდი ლიგის თასს აწევდა. ჯონ ტერის ფეხი აუსრიალდა და ბურთი ძელს მოხვდა, რის შემდეგაც ვან დერ საარი ბედნიერი დარბოდა. ზემოთ ხსენებულმა კიპერმა მომდევნო დარტყმებში ნიკოლა ანელკას აჯობა და "იუნაიტედს" ჩემპიონთა თასი მოაგებინა. კრიშტიანო მუხლებზე დაეცა და რამდენიმე წუთი ტიროდა.

ამ სეზონის შემდეგ "იუნაიტედი" კვლავ გავიდა ფინალში, სადაც ესპანურ "ბარსელონას" დაუპირისპირდა. რონალდომ თავიდანვე კარგად დაიწყო და რამდენჯერმე სცადა ვალდესის კარის აღება, თუმცა უშედეგოდ. ვერავინ იტყვის, რომ "ბარსელონა" "იუნაიტედს" პირველ წუთებში ჯობდა, მაგრამ ეტოს გოლმა ყველაფერი შეცვალა. სერ ალექსის გუნმა ის თამაში 2-0 წააგო.

ამის შემდეგ რონალდო ოფიციალურად "რეალის" ფეხბურთელი გახდა. "იუნაიტედის" ფანების გარკვეული ნაწილს რონი სძულს, ნაწილს კი უყვარს. დღემდე უშედეგოდ ველოდებით კრიშტიანოს დაბრუნებას "ოლდ ტრაფორდზე".