ქვემოთ მოცემულ სტატიაში შემოგთავაზებთ, გუშინდელი მატჩის ანალიზსა და მიმოხილვას...
მართალია, თითქმის ყველა გრანდი აზიაშია, მაგრამ იქ "მანჩესტერ იუნაიტედი" პირველი ჩაფრინდა. დიდებულადაც დახვდნენ და მეორე დღეს ტაილანდის ვარსკვლავების ნაკრებს შეხვდნენ. გულშემატკივრები დიდებულად კი დახვდნენ, მაგრამ მანკუნიანელებმა თამაშით ისეთი ვერაფერი ვერ ქნეს, რომ თუნდაც ანგარიში ფრედ დასრულებულიყო. მიუხედავად პაპანაქება სიცხისა, ყველა ბილეთი გაყიდული იყო და სტადიონი 65 000-მაყურებლით შეივსო.
აზიელთა, რიგებიდან ყველაზე მეტად მათი კაპიტანი, - ვონტაი აქტიურობდა, რომელმაც "მანჩესტერის" კარი მეორე ტაიმში დალაშქრა. მას კიდევ ერთხელ ჰქონდა შესაძლებლობა კარის აღებისა, როცა ბიუტნერმა თამაშგარედან ამოსვლა ვერ მოასწრო და ვონტაი ბენ ამოსთან ერთ-ერთზე გავიდა, მაგრამ ჯონი ევანსმა მიუსწრო და კარგადაც ჩაუვარდა ფეხებში, ბურთი წაართვა და თავისი გუნდი გოლისგან იხსნა.
აღსანიშნავია ის ფაქტი, რომ თამაშის ბოლოს შეცვლაზე შესულმა ვილფრედ ზაჰამ ბურთი ძელს გაარტყა.
Wilfried Zaha vs Singha All Star XI
"იუნაიტედის" რიგებიდან ყველაზე მეტად, ზაჰა და იანუზაი აქტიურობდა, რის გამოც დევიდ მოისისგან მოწონება დაიმსახურეს და შოტლანდიელმა შემდეგნაირად განაცხადა: "თუ წაგებაა, სჯობს ამხანაგურ მატჩში წავაგოთ. ეს ის შემთხვევა არაა, როდესაც აუცილებლად უნდა მოიგო რადაც არ უნდა დაგიჯდეს. მე გამოვცადე ახალგაზრდა ფეხბურთელები და მათგან განსაკუთრებით ყველაზე მეტად ვილფრედ ზაჰა და იანუზაი მომეწონა".
"მანჩესტერი" ამ შემადგენლობით თამაშობდა აზიაში: ამოსი, ფაბიო, ფერდინანდი, ევანსი, ბიუტნერი (რაფაელი), ქლევერლი (ჯონსი), კერიკი, ანდერსონი (ლინგარდი), გიგზი(ზაჰა), იანუზაი, დენი უელბეკი. ცნობისთვის გეტყვით, რომ გუშინვე "იუნაიტედი" ავსტრალიაში გაემგზავრა და წესით ახლა ჩაფრენილებიც უნდა იყვნენ.
Singha All Star XI 1-0 Manchester united Highlights - Pre-Season Tour 2013
სიახლეები, სტატიები, ახალი ამბები, ვიდეოები, სურათები