ახალგაზრდა "მანჩესტერელებმა" ჰოლანდიაში გამგზავრებამდე ვან პერსისგან რჩევები მიიღეს
"მანჩესტერ იუნაიტედის" აკადემიის ახალგაზრდა მოთამაშეები ჰოლანდიაში საერთაშორისო ჩემპიონატში მიიღებენ მონაწილეობას.
"მანჩესტერ იუნაიტედის" აკადემიის ათი ახალგაზრდა ფეხბურთელი ამ კვირაში საერთაშორისო ჩემპიონატზე იღებს მონაწილეობას. მოთამაშეებმა "კარინგტონზე" ივარჯიშეს და რობინ ვან პერსისგან რამდენიმე რჩევა მიიღეს.
ახალგაზრდები პერსის სამშობლოში, ჰოლანდიის ქალაქ როტერდამში "მანჩესტერ იუნაიტედის" ღირსებას სამხრეთ აფრიკის, გერმანიის, ჰოლანდიის, ბელგიის და დიდი ბრიტანეთის კლუბების წინააღმდეგ დაიცავენ.
"მინდა, რომ წახვიდეთ, ფანტასტიური დრო გაატაროთ და ამ გამოცდილებით ისიამოვნოთ." - უთხრა პერსიმ ახალგაზრდებს.
"დღეს სახალისო დღე იყო. "იუნაიტედს" დიდი ხანია ვგულშემატკივრობ, მაგრამ არასოდეს მეგონა, თუ ვან პერსისთან შეხვედრის საშუალება მომეცემოდა." - თქვა ეინ რიტჩმა, ერთ-ერთმა აკადემიის ფეხბურთელმა.
გარდა ფეხბურთისა, "იუნაიტედის" ფეხბურთელები აკადემიური სკოლების ღონისძიებებშიც იღებენ მონაწილეობას. ბოლო ხანებში, დე ხეა და ჩიჩარიტო ბროუდოკის სკოლას ესტუმრნენ, სადაც მოსწავლეებს ესპანურის გაკვეთილი ჩაუტარეს. პატრის ევრამ კი ფრანგულის გაკვეთილი ჩაუტარა მანჩესტერის აკადემიის სტუდენტებს.
წყარო:
strettychants.com