"მანჩესტერ იუნაიტედის" მცველი ნემანია ვიდიჩი აღიარებს, რომ აღფრთოვანებულია "ჩემპიონთა ლიგის" ფინალისტებით: "მიუნხენის ბაიერნითა" და "დორტმუნდით".
გერმანულმა გუნდებმა დაამარცხეს "ბარსელონა" და "რეალ მადრიდი" ევროპის ყველაზე პრესტიჟული ჩემპიონატის ნახევარფინალში და 25 მაისს ერთმანეთს დაუპირისპირდებიან "უემბლიზე".
ვიდიჩმა ნახა თუ როგორ გამოვარდა მისი გუნდი მერვედფინალში "რეალ მადრიდთან" და ფიქრობს, რომ საჭიროა გერმანული გუნდების სტილის გაანალიზება და მათი შესწავლა.
"ძნელია უყურო ისეთ თამაშს როდესაც იცი, რომ შეიძლება შენ ყოფილიყავი მათ ადგილას" განუცხადა მან MUTV-ს "მაგრამ ვფიქრობ ჩვენ კმაყოფილი უნდა ვიყოთ ჩვენი სეზონით. ჩვენ მოვიგეთ ჩემპიონატი, რომელიც წელს ჩვენთვის პრიორიტეტული იყო, თუმცა გვინდოდა უკეთესად გვეთამაშა "ჩემპიონთა ლიგაზე" და "FA თასზე". მაგრამ ეს ცხოვრებაა, ეს ფეხბურთია. ხან აგებ, ხან იგებ."
"მე ძალიან მომწონს "ბაიერნი". ვფიქრობ ისინი ძალიან კარგ ფეხბურთს აჩვენებენ. ისინი გუნდურად თამაშობდნენ და კარგად კეტავდნებ "ბარსელონას" ფეხბურთელებს, ისინი ჯგუფურად მოქმედებდნენ. ძნელია ასეთი ტიპის გუნდებთან თამაში. "დორტმუნდიც" მსგავსი სტილით თამაშობდა, სწორედ ეს არის ტენდენცია გერმანულ ფეხბურთში."
"ჩემი აზრით ჩვენ ამაზე ყურადღება უნდა გავამახვილოთ. შეიძლება ეს არის გზა, თუ როგორ უნდა განვითარდნენ გუნდები. ბოლო რამდენიმე წელი ხალხი უყურებდა "ბარსელონას" და ფიქრობდა, აი ასე უნდა ითამაშო. ახლა, თუ შევხედავთ "ბაიერნს" და "დორტმუნდს" ვნახავთ, რომ ისინი მოქმედებენ გუნდურად და ინდივიდუალურად და სწორედ ასე აღწევენ წარმატებას."