სერ ალექსმა უპასუხოდ არ დატოვა რობეტო მანჩინის სიტყვები, რომელმაც განაცხადა, რომ მოწინააღმდეგე გუნდები "იუნაიტედთან" წინასწარ ნებდებიან მატჩებში შიშის გამო...
სანამ მანჩესტერული დერბი გაიმართებოდა, რობერტო მანჩინიმ განაცხადა, რომ კლუბები, რომლებიც "მანჩესტერ იუნაიტედს" ეთამაშებიან ადრევე ნებდებიან და ბევრს არ ბრძოლობენ. სერ ალექსმა კი ამ სიტყვებს პასუხი გასცა:"ვერც ერთი კლუბი ვერ თამაშობს "იუნაიტედთან" კარგად, რადგან მათ ჩვენი ეშინიათ. მათ იციან, რომ რთული მატჩის ჩატარება მოუწევთ." - განაცხადა სერ ალექსმა manutd.com-თან.
"ვფიქრობ, რომ მანჩინის სიტყვები უაზრობაა. ინგლისური პრემიერ ლიგა ძალიან სამართლიანია, რაშიც ჩვენ უკვე ამდენი წელია ვრწმუნდებით. ამასთანავე ყოველ მატჩში შენ მხარს გიჭერს უამრავი გულშემატკივარი, რომელიც გამარჯვების მოპოვებაში გეხმარებათ."
"ასე, რომ ყველაფერი რაც მანჩინიმ თქვა სისულელეა. შესაძლოა ის ამას თავის გასამართლებლად აკეთებს, მაგრამ მაინც სისულელეს ამბობს. თუ თქვენ ნახავთ "ნორვიჩთან" მატჩს მიხვდებით, თუ როგორი მონდომებით თამაშობდნენ ისინი, აი ესაა ნათელი მაგალითი. გაიხსენეთ ჩვენი და "რედინგის" დაპირისპირებაც. ყოველი მათი ჩაწოდება პირველი 30 წუთის განმავლობაში, ჩვენს საჯარიმოში გოლად იქცა. მე მომიწია რაფაელის სმოლინგით შეცვლა, რადგან დაცვაში უფრო მაღალი ფეხბურთელი დამეყენებინა. ყოველ მატჩში სხვადასხვა და განსაკუთრებულ ფეხბურთს გვთავაზობენ მოწინააღმდეგეები, რაც არც ერთ სხვა ჩემპიონატში არაა."