რა იქნებოდა თქვენი მთავარი მიზანი "იუნაიტედის" მთავარი მწვრთნელის პოსტზე?
მაქსიმალურად ვიმუშავებდი გუნდთან და ნებისმიერ ფეხბურთელთან, რომ კლუბს ყოველ მატჩში მიეღწია წარმატებისთვის. ეს იქნებოდა ჩემი მიზანი.
რამდენი ხანი ამზადებთ გუნდს მატჩისთვის მაიკლ ფელანთან ერთად?
გუნდს ყოველი კონკრეტული თამაშისთვის ვამზადებთ, მაგრამ ასევე დიდ ყურადღებას ვაქცევთ ჩვენს დიდ და დამღლელ ცხრილს. ყველაზე დიდხანს კი "სანდერლენდთან" და "ჩელსისთან" მატჩისთვის ვემზადებოდით, რადგან ამ ორ მატჩს შორის დაშორება მხოლოდ ორი დღე იყო. ჩვენ ყოველთვის ვაანალიზირებთ მოწინააღმდეგის თამაშს, მაგრამ იმასაც ვუკვირდებით, რომ ფეხბურთელები ცოტა ხნის წინ იყვნენ ნაკრებიდან დაბრუნებულნი და აღდგენით პროცესებს გადიოდნენ.
ამაყობთ იმით, რომ პირველ გუნდში ისეთი პეხბურთელები თამაშობენ, როგორებიც არიან ტომ კლევერლი და დენი ველბეკი, რადგან ისინი პატარაობიდანვე თქვენთან იზრდებოდნენ?
რათქმაუნდა მეამაყება. კლუბს აქვს საშუალება განავითაროს საკუთარი აღზრდილი ფეხბურთელები და უმაღლეს საფეხურამდე მიაღწევიინონ მათ. ის შემთხვევა, რომ ტომი და დენი პირველ გუნდშიც და ნაკრებშიც სისტემატიურად თამაშობენ, რათქმაუნდა საამაყოა. მათ ყველაფერი იციან კლუბზე, რადგან ეს ყველაფერი უკვე გულში აქვთ.
როგორ მიაღწიეთ იმას, რომ რობინ ვან პერსიმ ფორმა თითქმის მთელი სეზონის განმავლობაში შეინარჩუნა?
ჩვენი სამუშაოს პირველი ნაწილი სწორედ ის იყო, რომ რობინი რაც შეიძლებოდა მალე შეწყობოდა კლუბს. ჩვენი უპირატესობა ის იყო, რომ ჩვენ მისი შესაძლებლობები უკვე ვიცოდით. ყველაზე რთული კი ის იყო, რომ რობინი ახალი კლუბის ატმოსფეროს შეჩვეოდა და ეჩვენებინა საუკეთესო ფეხბურთი. მაგრამ ის ჩვენ ისე სწრაფად შეგვეჩვია, რომ არც კი გვეგონა. ის შესანიშნავი იყო და ვიმედოვნებ, რომ კიდევ უფრო კარგი იქნება შემდეგში.
ამ სეზონში თქვენი ყველაზე დიდი კმაყოფილება რამ გამოიწვია?
მე შემიძლია ვთქვა, რომ ეს ჩემპიონთა ლიგის მატჩია მადრიდის "რეალის" წინააღმდეგ. ჩვენ ყველას კარგად გვახსოვს, ის ღამე "ოლდ ტრაფორდზე". ამ გაოცებამ კი ჩვენ ხელი დაგვატყო.
ხოლო თუ დადებით მხარეებზე ვისაუბრებთ, გეტყვით, რომ ეს კლუბის შემართებაა წინა წარუმატებელი სეზონის შემდეგ:"ჩვენ ვეცდებით ყველაფრის გაკეთებას, რომ ეს აღარ განმეორდეს." დამიჯერეთ, მე მათ შემართებას ვარჯიშებზეც ვგრძნობ. დღესდღეობით, ჩვენ კმაყოფილები ვართ სატურნირო ცხრილში მდგომარეობით. ყველა მოთამაშე ტიტულის დაბრუნებაზეა კონცენტრირებული.
ბევრი ფეხბურთელი ამბობდა, რომ ამ სეზონს მათთვის პრინციპული მნიშვნელობა ჰქონდა.
სრულიად მართალია. ჩვენ არასდროს დავივიწყებთ იმას, თუ რა მოხდა წინა სეზონში. ჩვენ ძალიან ბევრს და თავდაუზოგავად ვმუშაობდით, მაგრამ სეზონი ცარიელი ხელებით დავასრულეთ. არ მსურს, რომ ეს კიდევ განმეორდეს. ყველა ჩვენი მოთამაშე სეზონის დასაწყისს სულმოუთმენლად ელოდა. ეს დიდი გამოცდილებაა, როგორც მათთვის ასევე ჩვენთვის. ფეხბურთელებმა გაიგეს, რომ ყოველი მატჩი აუცილებელია და მიხვდნენ, რომ თუ ტიტულს მოიგებენ ეს კლუბის ისტორიაში სამუდამოდ დარჩება.