„მანჩესტერ იუნაიტედის“ ჰოლანდიელი თავდამსხმელი რობინ ვან პერსი მიმდინარე სეზონში პრემიერ ლიგის და ასოციაციის თასის მოგებაზეა მოტივირებული. რობინი ორშაბათს ადვილ მატჩს არ ელის, მაგრამ გამომდინარე იქიდან, რომ „იუნაიტედს“ 9 წელია ეს ჩემპიონატი არ მოუგია, მისთვის და მთლიანად გუნდისთვის ეს დამატებითი სტიმულია.
პრემიერ ლიგაში “წითლები“ „თანაქალაქელებს“ 15 ქულით უსწრებენ, ასოციაციის თასზე კი ხვალ „ჩელსის“ უპირისპირდებიან და მათი დამარცხების შემთხვევაში, ნახევარფინალში „სიტის“ შეხვდებიან.
„გვინდა, რომ ასოციაციის თასიც მოვიგოთ და პრემიერ ლიგაც. გუშინ, „სანდერლენდის“ დამარცხებით ჩემპიონობისკენ დიდი ნაბიჯი გადავდგით და გვინდა, რომ ანალოგიური ინგლისის ასოციაციის თასზეც გავაკეთოთ. ახლა ყურადღების გამახვილება „ჩელსისთან“ მატჩისკენ უნდა მივაპყროთ. ეს ჩვენთვის დიდი გამოცდა იქნება მაგრამ დიდი იმედი მაქვს, რომ „სტემფორდ ბრიჯზე“ კარგ თამაშს ვაჩვენებთ და სასურველ შედეგს მივაღწევთ."
2004 წლის ასოციაციის თასის ტრიუმფის შემდეგ, „წითლები“ ფინალში ორჯერ დამარცხდნენ - ერთხელ „არსენალთან“ 2005-ში, მეორედ კი 2007-ში მომავალ მეტოქე „ჩელსისთან“. ვან პერსიმ 2005 წლის ფინალში მონაწილეობა მიიღო, ეს მატჩი „მეთოფეებმა“ 120 წუთიანი თამაშის შემდეგ პენალტების სერიით მოიგეს.
“ცხრა წელია „იუნაიტედს“ ეს ტიტული არ მოუგია. ინგლისის თასი ჩემპიონატი ჩვენთვის მნიშვნელოვანია. დიდი შანსი გვაქვს, რომ ნახევარფინალში გავიდეთ და „სიტის“ დავუპირისპირდეთ. არ მინდა, რომ ზედმეტად შორს გავიხედო, მაგრამ თუ „ჩელსისაც“ და „სიტისაც“ დავამარცხებთ, ჩვენ უდიდესი შანსი გვექნება ამ ტიტულის მოსაპოვებლად.“
ორშაბათის მატჩამდე 24 საათზე ნაკლებია დარჩენილი. ვან პერსი ფანებს აფრთხილებს, რომ კლასიკურ დაპირისპირებას არ უნდა დაელოდონ.
“ეს თარიღი იდეალური არ არის, რადგან „სანდერლენდის“ დამარცხებიდან 2 დღეში გვიწევს მათთან შეხვედრა. ეს ცუდია, მაგრამ ამას ვერაფერს მოვუხერხებთ. უბრალოდ ამ სირთულესთან გამკლავება მოგვიწევს.
არ არის ადვილი, მაგრამ ჩვენ სასურველი შედეგის მოპოვება მოგვიწევს. ვფიქრობ, გულშემატკივარი შესანიშნავი თამაშის ხილვის მოლოდინში არ უნდა იყოს.“ - დაასრულა ვან პერსიმ.

წყარო: manutd.com