სერ ალექს ფერგიუსონი საკუთარი ფეხბურთელების სულისკვეთებით კმაყოფილია. მორიგი სამი ქულის მოსაპოვებლად ბრძოლისათვის „წითლების“ შემადგენლობიდან 3 მოთამაშემდე დაზარალდა, მაგრამ სერ ალექსი თვლის, რომ მათი ეს უმნიშვნელო ტრავმები 8 აპრილს „სიტისთან“ მინიმუმ 15 ქულიანი უპირატესობით შესახვედრაც ღირდა. “ფეხბურთელებს დიდი ბრძოლა მოუწიათ. შეხვედრაში ორი თუ სამი ტრავმით დავზარალდით, რაც მოთამაშეების გამბედაობამ გამოიწვია. დღევანდელი შედეგი ნიშნავს, რომ „მანჩესტერ სიტისთან“ შეხვედრას მინიმუმ 15 ქულიანი უპირატესობით შევხვდებით. პირველი ტაიმი კარგად ჩავატარეთ, მეორეში კი „სანდერლენდმა“ შეგვიტია. ერთ მომენტში ვიფიქრე, რომ დე ხეა დავკარგეთ, ის რამდენიმე წუთი იწვა, მაგრამ წამოდგა და გამარჯვებაში დიდი წვლილი შეიტანა. ვფიქრობ, ფეხბურთელებმა გალვანიზაცია მოახდინეს - გუნდის სულისკვეთება, კონცენტრაცია, მატჩზე ფოკუსირება ყველა მატჩში. 25 მოგება პრემიერ ლიგის 30 მატჩში, რომელიც ახალი რეკორდია. ჩვენ კარგ ფორმაში ვართ“
“იუნაიტედი“ პრემიერ ლიგაში უკვე 6 მატჩია კარს მშრალად ინახავს. “კონცენტრაცია უწინდელთან შედარებით, ბევრად გაუმჯობესებულია. სეზონის დასაწყისში ბევრ ბურთს ვუშვებდით, მაგრამ მას შემდეგ რაც მცველები - სმოლინგი, ჯონსი, ვიდიჩი დაბრუნდნენ და როცა მათთან ერთად ფერდინანდი და ევანსი გყავს, ამ ხუთივეს გამოყენება სიტუაციას ბევრად უფრო მარტივს ხდის.“ - დაასრულა ფერგიუსონმა.