მანჩესტერ იუნაიტედმა გაანახლა თავისი ინტერესი "ბარსელონას" ნახევარმცველ ტიაგო ალკანტარასადმი. როგორც "დეილი მეილი" იტყობინება, უკვე დიდი ხანია, რაც ამ ფეხბურთელს აკვირდება "იუნაიტედის" წარმომადგენლობა. პირველად ისინი 3 წლის წინ დაინტერესდნენ, 18 თვის წინ კი მათ გააგზავნეს შეთვაზება, რომელიც უარყო "ბარსელონამ". ტიაგო ცდილობდა მოხვედრილიყო "ბარსელონას" ძირითად შემადგენლობაში, თუმცა მას ეს არ გამოუვიდა და ისღა დარჩენია, რომ ბედი სხვაგან სცადოს.
”მსოფლიოს რომელიმე სხვა კლუბში ჩემი შვილი გაცილებით ხშირად გამოვა მოედანზე. მან ბევრი კარგი რამ ისწავლა თავისი ბრწყნვალე პარტნიორებისაგან, თუმცა ტიაგო ძალიან ამბიციურია და მას უნდა, რომ რაც შეიძლება ბევრი მატჩი ჩაატაროს. არავინ არ იცის თუ რა მოხდება მომავალში. ფეხბურთში ყველაფერი შესაძლებელია. თუ ტიაგოს უნდა რომ 2014 წლის მსოფლიო ჩემპიონატზე წავიდეს, მაშინ მან რაც შეიძლება ხშირად უნდა ითამაშოს.”
”მას აქვს თვისებები იმისათვის, რომ "ბარსელონაშიც" მიაღწიოს წარმატებას. თუმცა სხვაგან ის უფრო მეტს ითამაშებს. მას შეუძლია მსოფლიოს ნებისმიერ გუნდს მოერგოს. არ ვიცი შეიძენს თუ არა ახალ ფეხბურთელებს "ბარსელონა" ზაფხულში. მათ ისედაც ძალიან ბევრი ნახევარმცველი ჰყავთ. ამის გარდა ტიაგოს ძმა რაფინიაც პირველ გუნდში გადავა.” - განაცხადა ტიაგოს მამამ.
ტიაგოს "ბარსასთან" კონტრაქტი აკავშირებს და იმისათვის, რომ მისი კონტრაქტი გაწყდეს მსურველებმა 30 მილიონი ფუნტი უნდა გადაიხადონ.