ინგლისის ნაკრებისა და „ლივერპულის“ კაპიტანმა სტივენ ჯერარდმა სან მარინოში ჩასულ გულშემატკივარს თანადგომა გამოუცხადა და მათი საქციელი მართებულად შეაფასა. ფერდინანდმა უარი განაცხადა ნაკრებში დაბრუნებაზე, რის მიზეზადაც მისი სპეციალური სამედიცინო კურსი და ვარჯიშის სპეციფიკურობა დაასახელა. სამაგიეროდ, მან გაიარა 3.500 მილი დოჰაში, ყატარში ჩასასვლელად, სადაც ის „ალ ჯაზირას“ ტელეკომპანიაში მატჩის ანალიტიკოსად იყო მიწვეული. რიოს გადაწყვეტილება და ამას დამატებული მისი ყატარში გამგზავრება ინგლისელი გულშემატკივრისთვის მიუღებელი და გამაღიზიანებელი აღმოჩნდა. ანგარიშით 0:8 დასრულებულ შეხვედრაში, ისინი ფერდინანდის მიმართ ანტი შეძახილებს სკანდირებდნენ სტივი ფანების ამ საქციელს ბუნებრივად მიიჩნევს და ამავდროულად, „მანჩესტერელი“ მცველისადმი პირად დამოკიდებულებაზე საუბრისას, თანადგომას უცხადებს. “ვფიქრობ, ფანებმა თავიანთი იმედგაცრუება ფერდინანდის გადაწყვეტილება, სწორედ ამ შეძახილებით გამოხატეს. მათ აქვთ უფლება, რომ ჰქონდეთ თავიანთი აზრი. ჩვენ ყველას გვინდოდა, რომ რიო აქ ყოფილიყო, რადგან ის კარგი ფეხბურთელია და გასამართ ამ ორ მატჩში, დიდ დახმარებას გაგვიწევდა. მაგრამ მან ასე გადაწყვიტა და მის გადაწყვეტილებას პატივი უნდა ვცეთ.“ - განაცხადა ჯერარდმა.